Ich Anndre Weger, Po^ellt Rennhofer, baid ratgesworen burger zu Sannd Po^ellten, geordent gerhaben Ha^edwigen, Sigmund des Irher saligen tochter, bekennen anstat und von wegen der obenannten junkhfrawen Ha^edwigen, das uns der erber Jorg Wolfgeer von Noppenndorff zu hannden derselben junkhfraun Ha^edwigen auszgericht und geben hat an den funffundsechtzik phunt phenning, darumben wir im derselben junkhfrawen guet ain halbs lehen zu Noppendorff verkaufft haben, achtunddreissig phunt phenning. Der sagen wir in und sein erben anstat und von wegen der obenannten junkhfrawen Ha^edwigen hiemit quit und ledig mit urkund under unnserm aufgedrukhten pettschadt. Geben zu Sannd Po^ellten an freitag nach gots hern leichnamstag anno domini etc. septuagesimo nono. 

Original dating clause: an freitag nach gots hern leichnamstag

Language: Deutsch