Wir Hawg grave zu Werdenberg und zum Heiligenperg, unnsers allergegnedigisten hern, . . des Romischen kaisers etc. obrister haubtman und annder seiner k. g. rête und lanndlewt in Osterreich, die von seiner k. g. und gemainer lanndtschafft zu den sachen daselbs geben sein, enbieten den erwirdigen ersamen und geistlichen . . allen und ÿeglichen prela^eten des bemellten furstentumbs under der Enns, den der gegenburtig unser brief getzaigt oder furbracht wirdet, unnser dinste mit guttem willen bevor. Als auf dem ÿetzgehallden lanndttag¹hie von betzallung wegen der hundert tausent gulden, darumb man dem kunig von Hungern verschriben, ain gemains anlehen der lanndtleu^et furgenomen, so auch verwilligt und zugesagt ist, auch das ain ÿeder die zbai tail der summ desselben seins darlehens auf phingsten nagstkhunfftigen den innemeren, so von gemainer lanndtschafft darzu geordent sein, an lenngerem verzu^eg anttburtten und raichen, des auch ain ÿeder solhs darlehens widerumb betzallt werden sulle auch nach furnemen des yetzberu^erten lanndtags. Welher aber darinn ungehorsam sein, das derselb darzu bracht werde nach innhalt des furnemens auf den nagstverganngen lanndta^egen zu Krembs² und hie der ungehorsam halb des vierzigisten phunts³ wegen beschehen. Und wann aber die erwirdigen geistlichen herren, . . der abbt von Melkch und der brobst von Sannd Dorothe hie ze Wienn zu innemeren desselben ewrs darlehens geordent sein, emphelhen wir ew von des bemellten unnsers allergenedigisten herrn, . . des Romischen kaiser etc. und begeren von gemainer lanndtschafft und unnsern wegen ernstlichen, das ir dasselb darlehen, was eur yedem darinn angeslagen ist, wie ir des in verpettschadten zedeln durch die benannten innemer underricht werdet, auf die obbestimbten zeit unverczogenlich denselben innemeren gen Melkh und her gen Wienn anttburtet und raihet, dardurch alsdann die obbemellt verschriben summ enttricht, brief und sigell gelost und sein k. g. lannd und lewten und ew^e selbs weitter unrat und schêden davon nicht aufersteen werde. Daran tu^et ir seiner k. g. und seiner g. bestimbter lanndtschafft ernstliche maÿnung. Geben zu Wienn an mitichen nach des heiligen krew^etz tag invencionis anno domini etc. LXXVIIII.

Source Fulltext: FUCHS, Göttweig III (=FRA II/55, Wien 1902) S. 131-132