Fridreich von gots gnaden erwellter, Valentin dechannt, Johannes senior und das capitel des stiffts Passaw unnsern gunstigen gru^eesz zuvor. Ersamen weisen, lieben getrewen! Als wir in der irrer und zwitrecht. so sich ÿetz umb unnsern stifft hallten, zu pebarung der geslo^esser und sunderlich der statt Sannd Pollten merklich auszgeben und darlegen getan haben, das nu an unsern vermu^egen nicht mer ist, nachdem uns die rennt und gu^ellt des stiffts nicht nachfollgen, sunder der enttwert sein nêmlich zu Osterreich, auch die mawt und zol hie oben gar wenig tragen und damit die geslosser von dem stifft nicht chomen, ir auch geschu^etzt und gehannthabt werdet bei alten herchomen, haben wir dem durchleuchtigisten fu^ersten und herren, herrn Mathias kunig zu Hungern und zu Beheim etc. unsern gnedigen herren. alle des stiffts gesloss stett und herschêfft in dem land zu Osterreich gelegen in seiner gnaden schu^ecz und scherm gegeben und die stat und herrschafft Sannd Pollten umb ain summ gellts¹ verphenndt. Darauf schaffen wir mit ew ernstlich und wellen, das ir dem benannten unnserm genedigisten hern dem ku^enig oder seiner gnaden anbellt und gewalthaber auf dŷ verschreibung, so sein k. g. von uns hat, gewo^endlich phlicht und gehorsam² tu^et und gewertig seit, als ir des von herren Wigileusen Fro^eschel, auch Erasem von Nuszperg kla^erlicher bericht werdet. Den wellet darinn als uns selbs gelauben und ew in dem gu^ettwillig pebeisen, auch khain annders tu^en. Das etc. Datum zu Passaw an sannd Remigiitag anno etc. LXXXI.

Source Fulltext: FUCHS, Göttweig III (=FRA II/55, Wien 1902) S. 199