Herr Anndre Stawdenhechtl, pharrer ze Maw^er, ist fur sich und fur all sein nachkomen pharrer daselbs nu^etz und gwer komen ains akhers genannt der Grunttakher gelegen in Newenhofferfelld, davon man gibt zw burgrecht gen Gottweig jarlich an sannd Jorgentag XV d. nicht mer, und ist mit gescha^efft von der Merttin von Sichtenberg gutter gedechtnu^es an weilennt herren Sebastian Posser, der zeit pharrer daselbs ze Mawer, und an all sein nachkomen gefallen also, das so offt die benannt pharrkirchen ze Mawr ledig wirdet, sol alsdann ain ieder angennder pharrer den genanntten akher von newen dingen aufemphahen und anlat geben, wie von allter herchomen ist. Actum zum Gottweig des phintztags nach quasimodogeniti anno domini etc. LXXXXIIII. 

Original dating clause: des phintztags nach quasimodogeniti

Language: Deutsch