Am freitag vor dem heiligen phingsttag des LXXXXIIII. iars sein zum grunttpuch zum Gottweig ko^emen die erberen Peter Prunner von Horenpach, Hanns Jenner der allt und Jorg Habersdorffer von Fuchaw und haben do beÿ iren starkhen aufgerekhten aiden, als sŷ zu recht sollten, ainer nach dem annderen sunderlich gesagt und bekhannt, wie in und ir iedem wissen und khund seÿ‚ das weilennt Alltman O^echssl von Furtt des jars, do Stain auszprunen ist, seinen bruedern Hannsen Schopper von Stain und Anna seiner hausfrawen, die derselben prunst zu grossen schaden ko^emen waren, gelihen hab und berait auszgericht zwaintzig phunt phenning lanndsberung in Osterreich und hab darumb der Schopper und sein hausfraw guttlich vergu^ennt, das genanntter Ochssl dŷ annderthalb tagwerch wismad genannt dŷ Scheiblwis, darumb sŷ baid im gruntpuch zum Gottweig nucz und gwer steen, inhaben nu^eczen und ma^eniklich von sein wegen khain irrung gehabt. Dabeÿ sein gebesen herr Gregori notarius und der edl vesst Wolfganng Mu^elbannger zum Wolfstain und Toman phisstermaister. 

Original dating clause: am freitag vor dem heiligen phingsttag

Language: Deutsch