CAROLUS dei gracia Hungarie, Dalmatie, Croatie, Rame, Seruie, Gallicie, Lodomerie, Comanie, Bulgarieque Rex, Princeps Salernitanus et honoris ac montis sancti angeli dominus, Omnibus christi fidelibus presentibus et futuris notitiam presentium habituris salutem in omnium saluatore. Celestis altitudo consilii supra cuncta tenens Imperium in excelsis, que dat esse rebus, per quam Reges regnant et Imperialium diriguntur fastigia dignitatum. Ideo quosque ad Regni sublimat principatus, vt si cunctos sibi subditos, pie longanimitatis studio, Juris religione, sub presidio pacis adoptate, in viam iustitie dirigere teneatur, vberius tamen atque vigilantius almarum dei ecclesiarum quieti debet insudare, in quarum vigiliis, mundi principibus sola immensitas est mensura. Hinc est, quod ad vniuersorum notitiam tenore presentium volumus peruenire, Quod vir religiosus frater Otto abbas monasterii sancte Crucis de Austria Ordinis Cysterciensis ad nostre serenitatis accedens presentiam exhibuit nobis quoddam priuilegium nostrum‚ sub priori et antiquo Sigillo nostro, super collatione seu donatione gratiarum et libertatum, eidem Monasterio, Abbati et fratribus in eodem deo continue obsequentibus‚ per nos ob spem beatitudinis eterne concessarum, et in ipso priuilegio nostro seriatim expressarum, confectum, petens humili precum instantia nobis supplicando‚ vt idem priuilegium nostrum ratificare et appensione noui et autentici Sigilli nostri ad vberiorem cautelam earumdem gra-tiarum et libertatum et euidentiam certiorem, de pietate Regia, que se petentibus solet exhibere liberalem, presentibus dignaremur confirmare Cuius tenor talis est. (Folgt die S. 48, Nr. LV abgedruckte Urkunde, ddo. 18. Septbr. 1317.) Nos igitur, quia Regia sublimitas ad ea presertim sue debet mentis dirigere intuitum, per que et thesauros [96] thesaurizat in celis et terrena eius dignitas prosperis successibus augmentatur, quod perfectionis opere tunc completur, cum Deus‚ per quem Reges regnant et in regimine sui solii iusta decernunt, condigne honoratur, et cum cultus diuini nominis in Ecclesiis munificentiis Regalibus attolitur, quia Reges et ceteri terrarum Principes, qui diuino nutu reguntur, tunc potissimum in celesti Jerusalem collocantur, cum sacro sancta mater Ecclesia sanguine Crucifixi dedicata vberrimis libertatum prerogatiuis prefulgentius decorata gratulatur; Volentes dignis petitionibus predicti fratris Ottonis abbatis Regio fauore inclinari, prefatas libertates et gratias nostras dicto Monasterio, abbati et fratribus in eodem domino pro salute humani generis deuote et continue placatissima offerentibus holocausta factas approbantes prenotatum priuilegium nostrum, prout hic insertum est, ratificamus et auctoritate Regie maiestatis perpetuo valere confirmamus. Hoc presentibus annectentes, quod abbas et fratres monasterii memorati, vt pretactis graciis nostris securius perpetuo perfruantur, duos fratres sui Ordinis in Curia nostra tenebuntur conseruare continue moraturos. Vt autem nostre approbationis et confirmationis series absque cuiuslibet contradictionis obstaculo perpetua valeat firmitate consistere, presentes concessimus litteras nostras priuilegiales noui et autentici Sigilli nostri duplicis munimine roborando. Datum per manus discreti viri magistri Andree Lectoris ecclesie Quinque ecclesiensis et aule nostre vicecancellarii, Dilecti et fidelis nostri. Anno domini Millesimo CCC° XX^mo tertio, Sexto Idus Decembris, Regni autem nostri anno similiter XX^mo tertio. Venerabilibus in christo patribus Dominis Bogezlao Strigoniensi et fratre Ladizlao Colocensis archiepiscopis, Johanne Nitriensi, Benedicto Chanadiensi, Georgio Sirmiensi, fratre Petro Boznensi, Nicolao Jaurinensi, Ladizlao Quinqueecclesiensi, Jwanka Waradiensi, Andrea Transiluano‚ Herrico wesprimensi et Ghanadino agriensi ecclesiarum Episcopis Ecclesias dei feliciter gubernantibus, Magnificis viris Philippo Palatino Comite Scipusiensi et de Wyuar ac Judice Cumanorum Demetrio magistro Tauernicorum nostrorum, Comite Bachiensi et de Trinchen, Lamperto Iudice Curie nostre, Comite Nitriensi et Chanadiensi, Thoma woyuoda Transiluano et Comite de Zonuk. Nicolao bano totius Sclauonie, Paulo Bano de Machou Comite Sirmiensi de Wolkou et de Budrug, Mykch magistro Tauernicorum domine Regine karissime consortis nostre, Comite de Sarus et de Zemlimo, Deseu Judice Curie eiusdem domine Regine, Blasio magistro agasonum nostrorum, Dionisio magistro dapiferorum nostrorum et Nicolao Comite Posoniensi, aliisque quam pluribus Regni nostri Comitatus tenentibus et honores.

Source Fulltext: WEIS, Heiligenkreuz (=FRA II/16, 1859) S. 95-97