Karolus dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex Princeps Salernitanus et Honoris, ac Montis sancti angeli dominus. Omnibus christi fidelibus tam presentibus quam futuris presens scriptum inspecturis salutem in salutis largitore. Ad vniuersorum tam presencium quam futurorum noticiam harum serie volumus peruenire, quod Ottho, Martinus et Johannes, filii Erthul de Gottchusprunn, fideles nostri ad nostre serenitatis accedentes presenciam exhibuerunt nobis quoddam priuilegium Capituli ecclesie Jaurinensis tenoris infrascripti, petentes nos humili cum instancia, vt ipsum priuilegium ratum habere et acceptum, et ad maiorem sui juris conseruacionem nostro dignaremur priuilegio confirmare. Cuius quidem priuilegii tenor tatis est. — (Folgt die unmittelbar vorhergehende Urkunde Nr. XCIII.)||
Nos itaque peticionibus eorumdem Otthonis, Martini et Johannis filiorum ertul fauorabiliter inclinati predictum priuilegium non abrasum, non cancellatum, nec in aliqua sui parte viciatum de verbo ad verbum presentibus inseri facientes acceptamus, ratificamus, approbamus et presentis scripti patrocinio confirmamus, saluo tamen jure Regni nostri Hungarie remanente. In cuius confirmacionis memoriam perpetuamque firmitatem presentes concessimus litteras dupplicis noui et autentici sigilli nostri munimine roboratas. Datum per manus discreti viri magistri andree, lectoris ecclesie Quinque ecclesiensis, aule nostre vicecancellarii, dilecti et fidelis nostri anno domini M. CCC. vicesimo quarto, tercio Kalendas Februarii, Regni autem nostri anno similiter XX. Quarto, Venerabilibus in christo patribus Bolezlao Strigoniensi, fratre Ladizlao Colocensi archiepiscopis. Johanne nitriensi, Benedicto Chanadiensi, Nicolao Jaurinensi, Ladizlao Quinque ecclesiensi, Georgio Sirmiensi, Fratre Petro Roznensi, Jwanka Waradiensi, Petro Transiluano, Herrico Wesprimensi et Chanadino agriensi ecclesiarum episcopis ecclesias dei feliciter gubernantibus. Magnificis viris Philippo Palatino, Comite Scepusiensi et de Wywar, Demetrio magistro Tauernicorum nostrorum‚ comite Bachiensi et Trinchiniensi, magistro Lamperto judice curie nostre, comite Chanadiensi et Nitriensi, Thoma Woywoda Transiluano et comite de Zounuk, Paulo bano de Machou, Comite Syrmiensi de Wolkou et de Budrug, Nicolao bano totius Sclauonie, comite Supruniensi de Kamarum et de Zekchu, Mykch magistro Tauernicorum domine Regine, comite de Garus et de Zemlynio, Deseu judice curie eiusdem domine Regine, Dionysio magistro dapiferorum nostrorum, Blasio magistro agazonum nostrorum, Nicolao comite Puzuniensi et Nicolao comite Symigiensi et aliis quam pluribus Comitatus regni nostri tenentibus et honores.

Source Fulltext: WEIS, Heiligenkreuz (=FRA II/16, 1859) S. 98-99