Otto dei gracia Dux Austrie et Styrie, Dominus Carniole, Marchie ac Portusnaonis, Omnibus tam presentibus quam futuris in Perpetuum. Quamquam ecclesiastica loca Personasque Religiosas promocionis generalis iugiter zelemur affectu, ceteris tamen precellentius singularis gracie nostre et continue pietatis Ecclesiis illis fructuosus debetur effectus, quas Illustrium predecessorum nostrorum Ducum Austrie fundauit ad gloriam et laudem dei benignitas et dotatas magnifice commendavit colendas studiis et fauoribus successorum. Hinc igitur est, quod, cum discreti viri, Hermans dictus Rorbekch et fratris sui decimam sitam in Gostestorf et Plumental citra Spann-berch et Nydernsultz, quam a nobis et fratribus nostris, Ducibus Austrie in fevdum hactenus tenuerunt, Honorabilibus et religiosis viris, fratri Jacobo nunc abbati et Conuentui Monasterii Sancte Crucis in Silua wiennensi pro Octoginta talentis denariorum wiennensium de consensu nostro vendiderint legitime et assignauerint, quod nos aduertentes, dictum Monasterium Honorabilem et memorialem Plantulam fore Illustrium quondam Principum, Ducum Austrie, predecessorum nostrorum ac igitur cupientes ipsum prosequi fauore et gracia speciali ipsis . . Abbati Conuentui et Monasterio ad deuotam et instantem supplicationem eorumdem proprietatem eiusdem decime, sicut nobis et fratri nostro, Duci Alberto pertinuit, de ipsius fratris nostri scitu et consensu liberaliter dedimus et presentibus tradimus et donamus ad vsus et vtilitates dicti Monasterii in antea possidendam perpetuo et tenendam. In cuius rei euidentiam firmitatemque perpetuam presentes nostri sigilli munimine fecimus roborari. Datum Wienne feria quarta proxima post dominicam, qua cantatur Quasimodogeniti. Anno domini Millesimo CCC^mo Tricesimo Secundo.

Source Fulltext: WEIS, Heiligenkreuz (=FRA II/16, 1859) S. 152-153