Ich Perichtold der Oltegel vnd ich anna sein Hausfrow vnd alle vnsere erben Wir verihen mit dem brief, das wir mit gutem willen vnsers gruntherren, des erburdigen geistleichen Herren appt Cholomans von dem Heyligen Chreutz versatzt hoben vnsern hof gelegen ze Arenstain, für zwelif phunt wienner phening zu einen ebigen liecht vnd den wir wider in zwain Jaren ledigen vnd lesen schullen. Tetten wir das nicht, so ist daz mit vnserm gutleichen willen, daz vns vorgenanter Grunther appt Choloman von dem heiligen Chrewtz die zwelif phunt sol dargeben vnd sol hoben auf unserm vorgenanten hof zwelif schilling wiener phening geltes. Vnd swan wir nicht aigen insigel hoben, der ze vrchund geben wir in den brif versiglt mit der zwain erbern mann Insigel, Hansen dem langen Richter ze Pertholdzdorf vnd Niclasen Durncharten dasselbe, di wir des gepeten haben, daz si der sach gezeug sint mit iren Insigelln, in an schoden. Der brif ist geben nach Christes gepurd Dreitzehen Hundert Iar dar nach im fümf vnd achtzigistem Iar des Erichtags vor Mitenaassen.

Source Fulltext: WEIS, Heiligenkreuz (=FRA II/16, 1859) S. 369