Wir, Albrecht, von Gotes gnaden herczog ze O^esterreich, ze Steir, ze Kêrnden und ze Krayn, grave ze Tyrol etc., bechennen umb den zehent, grossen und klainen, aus siben lehenn ze Rênestorff gelegen, den unser getrewer lieber Hanns der Schenkh von Ryed zu lehen von uns gehebt hat, daz wir durch der dienst willen, die uns derselb Schenk getan hat, und durch sein vleizzige bet und auch von sundern gnaden im und seinen erben denselben zehent mit seiner zu^egehörung geaigent haben wissentlich mit dem brief, also daz sy nu furbasser damit gehandeln und iren fru^emen geschaffen mu^egen, wie in das fugt, als mit andern iren aigenn gu^etern an unser, unser erben und nachkomen und an mênikleichs irrung und hindernuzz, und als aigne^ar gu^eter und landes recht ist ungeverlich mit urkund dicz briefs.||
Geben ze Wienn an dem heiligen phingstabent nach Kristi gepurt tausent jar, darnach in dem vierhundertisten jar, [Rest von der Plica verdeckt].