Ich Vlreich von Dachsperg, lanndmarsch(alch) in O^esterreich, bekenn und tu^en kund, das prueder lreich, der Heiligen Chre^awtzer kellner, Kasparn den Liechtennawer menigers fu^er mich geladen hat mit meinen briefen, von ains halben lehens wegen, gelegen ze He^adreinsdorf, darauf yetz der Varsler sitzet, und dieselb sach verzach sich als lang mit aufschu^eben, untz der obgenant brueder Vlreich darumb kam fu^er die herren und gab den ze erkennen, das das obgenant halb lehen mit dem dienst des gotzhauss datz dem Heiligen Chrew^atz aigens gu^et we^ar, und we^arn auch des die Heiligenkre^awtzer lenger dann sechtzig jar bey nu^etz und gewer gesessen, des si gueter urkund hieten, und das hiet in der obgenant Liechtenawer entfro^emdet und entzogen. Das verantwurt Kaspar der Ladendorffe^ar und sprach, das das obgenant halb lehen sein erbleich manschaft we^ar, des hiet er gu^eter kuntschaft und hiet das dem Liechtenawer verlihen und wolt auch sein manschaft selber verantwurten, als manschaft und des lanndes recht ist, da er es ze recht tu^en solt. Des beliben sy darnach ze beider seitt bey den herren, die dazemal bey mi^er warn, die erkannden zu dem rechten: Seind die Heiligenkre^awtzer begerten i^er u^erkund ze ho^ern und der Ladendorffer begert sein kunschaft ze ho^ern, die solten verho^ert werden und gesche^ach darnach, was recht we^ar. Die wu^erden verho^ert und lautten paidenthalben brief und kuntschaft, das die Heiligenkre^awtzer und i^er gotzhaus des obgenant halben lehens bey nutz und gewer gesessen we^arn mer dann sechtzig jar. Darnach erkannden die herren aber zu dem rechten: Seind urkund und kuntschaft also gelautt hieten, so solt der Ladendorffer und der Liechtenawer dem gotzhauss zu dem Heiligen Chre^awtz des obgenanten halben lehens abtreten und furbas dhainerlay i^errung noch beswe^arung daran nicht mer tu^en, und solt ich des das gotzhaws ze nutz und gewer setzen, als es mit recht erkannt ist. Hiet dann yemant dahin icht ze sprechen, der sol das tu^en mit dem rechten, also recht we^ar.||
Mit urkund des briefs, geben ze Wyenn an Sambstag nach Gotzleichnams tag anno etc. ccccmo primo.