Wir Chunrat ze Pruk und Andre ze Grillenperg, pharrer Salczburge^ar und Passawer bischtumb, bekennen o^effenleich mit dem brief, als die erbern herren herr Niclas abbt zu dem Heiligenkreucz und sein convent daselbs und herr Jacob pharrer zu Alecht auf ainem tail und herr Hanns pharrer zu Unser Vrawen zu der Newnstat auf dem anderen tail hinder uns sich verpunden haben umb all ir zuspruch und misshelung noch lautt ires hindergangbriefs, also sprechen wir wol bede^achtleich zwischen in ze dem ersten, daz si miteinander an geve^ard fu^erbass su^ellen gu^ot freunt sein und geneinander helffen und raten, als yedem tail wol czympt. ||
Item als der oberkelne^ar zu dem Heiligenkreucz an stat seines gotzhauses hat das Tuchaus czu Dre^askirchen mit aller seiner zugeho^erung, als es von alter herko^emen ist, dem egenanten herren pharrer in der Newenstat verliehen, als gruntrecht und purkrecht recht ist, von dem man je^arleich ain phunt Wienner phening ze purkrecht und ze gruntrecht an sand Michels tag gen Ale^acht oder zu dem Heiligenkreucz dinet, des sol im der abbt und das convent ain gewo^endleichen brief geben, daz er dasselb Tuchaus mit seiner zugeho^erung umb den vorgenanten dinst rechtleich besicz und auch freyleich hingeben und verchauffen mag, auch mit demselben dinst. ||
Item wir sprechen auch, daz der egenant pharrer zu der Newenstat fu^erbass an all vercziehen alle jar an sand Michels tag sol ain phunt Wienner phening den obgenanten herren, als es von alter herkomen ist, dinen und nicht mer.||
Item fu^er all versessen dinst, als lang und der pharrer das Tuchaus inn hat gehabt, sol derselb pharrer, als pald man im den obenanten iren brief geit, vi^er phunt phening den egenanten herren geben an vercziehen.||
Item und ob icht von dem vorgenanten Tuchaus ko^emen we^ar, welherlay gu^et das we^ar, die der vorgenant pharrer mit recht hinwider bringen mo^echt und bre^acht, in dem sullen im der abbt und das convent treuleich helffen an geve^ar.||
Und welher tail den spruch nicht ste^at hielt, der ist vervallen zwairhundert guldein unsern gene^adigen herren den fursten von O^esterreich, als ir hindergangbrief lautt. ||
Und daz unser spruch furbass ste^at beleib, geben wir den gegenwu^erttigen brief yedem tail besigelt mit unseren anhangunden insiglen. Geben ze Wienn an Unser Vrawen abent, als si emphangen war, nach Kristi gebu^erd vierczehenhundert jar, darnach in dem ersten jare etc.