Wir Wilhelm von Gotes gnaden herczog ze O^esterreich, ze Steyr, ze Ke^arnden und ze Krain, grave ze Tyrol etc. embieten unsern getrewn lieben V^elreichen von Dachsperg, unserm lantmarschalich in O^esterreich, allen phlegern, burggraven, richtern und andern unsern amptle^auten und undertanen, den dieser brief geczaiget wirdt, u^enser gnad und alles gu^ot.||
Als der erber Jacob, pharrer ze Aloch, das Tu^ochhaws zu Dre^eschirichen, das von derselben seiner kirchen purkrecht ist, umb versessens purkrecht daselbs ze Dre^aschirchen mit dem rechten hat behabt nach sag seiner behabbrieve, emphelhen wir ew allen und ewr igleichem besunder und wellen ernstleich, daz ir in und sein egenant kirchen bey dem vorgenanten haus und aller seinr zugeho^erung zu dem rechten von unsern wegen vestikleich haltet und schirmet vor allem gewalt und unrechten und nicht gestattet, daz im daran yemand wider sein vorgenanten behabbrief inve^all oder irrung tu^o. Das mainen wir.||
Geben ze Wienn an phincztag vor sand Mertten tag, anno etc. quadringentesimo primo.