Wir Jo^erg, von Gotes gnaden bischoff zu Passau, bekennen offenlich mit dem brief, daz die ersamen geistlichen, unser lieb in Got der abbt und das convent des klo^esters zum Heiligen Kre^autze ünsers bistums, fu^erbracht haben einen brief von weilent bischoff Albrechten zu Passau se^aliger gede^achtnüsse, unserm vo^ervodern, und baten üns diemu^etiklich, daz wir in den geru^ochten ze beste^atten. Derselben brief von wo^ert ze wo^ert lautt also:||
(Folgt die Urkunde von 1365 Sept. 5, anecdota sub dato)||
Nu haben wir angesehen der obgenanten geistlichen le^awtte rechts gebete und durch sunder lieb und fürdrüng willen, die wir zu in haben, haben wir den vorgenanten, dem abbt, dem convent und dem klo^ester zu dem Heiligen Chre^autz, den vorgenanten ünsers vo^ervodern brief und freyung von newen dingen bechrefft, bewe^artt und beste^att, bechrefften, bewe^aren und beste^atten in auch wissentlich mit dem brief und wellen ernstlich, daz si dabei an all beswe^arnüss, hindrung und irrung ge^antzlichen und ste^atiklichen beleiben süllen. Mit urkund des briefs, versiglt mit ünserm anhangendem insigl.||
Geben zu Wienn an freitag nach Ünser Fraun tage assumpcionis, nach Crists gepurd vierzehenhundert iar, und darnach in dem andern iare.