Wi^er pru^eder Albrecht, abt dacz dem Heiligenchraw^ecz, und der gancz convent daselbs gemain vergehen und tu^enn chunt offenli^ech mit dem brief allen den, di in lesent, sehent oder ho^erent lesen, di^e nu lebent und hernach chu^enftig sind, daz wi^er mit wolbedachtem mu^et und mit verayntem¹ rat, zu^e der czeit, do wi^er es wol getu^en mochten, verchaufft haben recht und redli^ech ain phunt gelcz freyes gu^ecz, als wi^ers in aygens gewe^er und freyhait herpracht haben, umb vier und zwainczig phunt Wienner phenning, der wi^er gancz und gar verricht und gewert sein, dem erbern und beschaiden mann Hainreichen dem Chlinng und Wentlein seiner hawsfraw^en und i^er baider erben, fu^erbas ledigchlich und freyli^ech ze haben und allen i^eren fru^em damit ze schaffen, verchauffen, verseczen und geben, wem si wellen, an allen i^ersal, und daz vorgenant phunt gelcz ist gelegen i^em Plespicz in Chirichperger pharre, und verdienent, di^e hernach geschriben stent: Chunrat der Fidla^er ein halb phunt Wienner phenning und der Wa^edma^er ein halbs phunt Wienner phenning, und seinn auch wi^er vorgenant pru^eder Albrecht, abt zu^e dem Heiligenchrau^ecz, und der convent daselbs gemain i^er rechter gewe^er und scherm fu^er all ansprach, als aygens freyes gu^ecz recht ist in dem lannde zu^e o^esterri^ech. Wa^er aver, daz si fu^erbas mit recht an demselben phunt gelts icht chrieg oder ansprach gewu^ennen, von wem daz wa^er, was si^e des schaden nemen, den su^ellen wi^er in alles ausrichten und widercheren an allen i^eren schaden, und su^ellen si daz haben auf uns unverschaidenli^ech und auf allem unserm gu^et, daz da geho^eret zu^e unserm vorgenanten goczhaws dacz dem Heiligenchrau^ecz oder wo wi^er es haben in dem lannde ze o^esterrich.||
Und das der chauff fu^erbas also stet und unczebrochen beleib, geben wi^er in dem vorgenanten Hainreichen dem Chlinng und Wentlein seiner hawsfraw^en und i^er baider erben den brief, versigelten mit unsern baiden angehangen insigeln, der geben ist nach Christi gepurd vierczehenhundert jar, darnach in dem dritten iar, an goczleichnamstag.