Wir Heinrich, von Gotes genaden pfallenczgrave bey Rein und herczoge in Be^ayern etc., bechennen offenlich mit dem brif, das wir den ande^achtigen in Got, uns besu^enderlichen, dem abbt und dem conventt des goczhaws zu dem Heiligen Chra^ewtz, gelegen in Osterreich, alle ir brif und hantfest, di sy von unsern vodern der herschaft zu Beyern umb ir freyungsalcz an unserr mawttstat zu Burkch(hawsen) gehabt und an uns herbracht habend, vernewet, kreftigt und besta^ett haben, vernewen, kreftigen und besta^etten in si auch in kraft dicz brifs mit allen den pu^enden und artykeln, genaden, rechten und freiheiten, die von wort zu wort darinne geschriben steend und begriffen sind und als si di mit recht und guter gewonheit herbracht und gefu^ert habend. Darauf gebieten wir allen unsern ambtlawten, vicztu^emen, pflegern, mawttnern und auch allen andern unsern getrewn und undertänen, wie di genant sind, vestiklich und ernstlich, das ir sy yeczo und furbas an denselben unsern genaden, rechten und freiheit nach irr brif sag ungeirret lasset, sunder darczu^ee schirmet, behaltet und nieman gestatt, der in dhainen krankch, irrung oder infal daran tu^ee. Das ist unser ernstlich will und meynung gênczlich.||
Geben zu Landshu^et an suntag, als man singet reminiscere in der vasten, mit unserm anhangu^enden insigel versigelt, als man zalt nach Christi gepurde virczehenhu^endert jar, und darnach in dem fu^enften jare.