Wir Heinrich, von Gotes genaden pfallenczgrave bey Rein und herczoge in Beyern etc, bechennen offenlich mit dem brif, das wir den ande^achtigen in Got, uns besünder lieben, der abbtessinn und dem conventt zu sand Nycla ze Wienn alle ir brif und hantfest, dy sy von unsern vodern der herschaft zu^e Beyern etc. umb ir freyungsalcz an unserr mawttsta^et zu Burkchawsen gehabt und an uns herbracht habend, vernewet, kreftigt und besta^ett haben, vernewen, kreftigen und besta^etten in si auch in kraft diczz brifs mit allen den punden und artykeln, genaden, rechten und freiheiten, die von wort zu wort darinne geschriben steend und begriffen sind und als sy di mit gu^eter gewonhe^ait herbracht und gefurt habend. Darauf gepieten wir allen unsern ambtlawten, vicztumen, pflegern, mawttner und auch allen andern unsern getrewn und undertanen, wie die genant sind, vestiklich und ernstlich, das ir sy yeczo und furbas an denselben unsern genaden, rechten und freiheiten nach irr brif sag ungeirret lasset, sunder darczue schirmet, behaltet und nieman gestatt, der in dhainen krankch, irrung oder infal daran tue. Das ist unser ernstlich will und meynung gentzlich.||
Geben zu Landshu^et am su^entag, als man singet oculi in der vasten, mit unserm anhangu^endem insigel versigelt, als man zalt nach Kristi gepurde virczehenhundert jar und darnach in dem fimften jare.