Ich Hermann Jeru^osalem †Erhalt† und ich Hermann Thanhawser, die zeit hern Jorgen von Pu^ochhaim schaffer, wir veriehen fu^er uns und all unser erben allen lewten, gegenbu^ertigen und ku^enftigen, umb die zwen ho^ef, ba^eid ze Minkendorff gelegen, der ain ist Nikel des Pe^artleins gewesen, der ander ist des Ge^angleins gewesen, die wir baid umb uns berait gelt chawft haben und die von den hochwirdigen gaistlichen unsern gne^adigen herren dem abtt ze dem Hailigen Chre^awtz und dem gantzen convent doselbs ze lehen sind und den man je^arlich von yedem hof dint ain halb phu^ont Wienner phening gelts und die chlain recht, als von alter herkomen ist, daz wir denselben dinst yeder besunder oder sein erben von seinem hof mitsampt den chlain rechten und robaten zu ainer yeden rechten zeit dienen, raichen und ausrichten sullen, als ander unser nachtpaw^er von su^elhen gu^eetern und hofen raichen und dienen angeve^ar. Item, es ist auch berett worden, ob daz geschehe, daz die egenanten unser hern ain gewo^enlichew^e stew^er auf daz egenant dorff slu^egen, so schullen wir und wollen auch unser yeder besu^onder oder sein erben unser stew^er geben, raichen und ausrichten, als dann aber aines su^elhen erbs recht und gewonhait ist angeve^ar. Item, es ist auch ze merken, daz wir noch unser erben dhainen unsern nachtpaw^er, den mynsten noch den ma^eysten, an recht nicht dringen noch u^embtreiben sullen noch er uns herwider, su^onder hab wir mitainander icht ze schaffen. Daz su^ellen wir vor unser egenant herschaft oder irem anwalt austragen und richtig machen angeve^ar. ||
Und daz dy pu^ont also ste^at und unzebrochen beleiben, daru^eber so geben wir diesen brief, versigelten mit unser ba^eider aygen anhangu^onden insigeln zu ainer zewgnu^ezze der worha^eit, und ze pesser sicherhait, so haben wir gebeten den erbern Eberhartten vom Ro^er, die zeit pu^orggraff ze Lachsendorf, daz er sein insigel auch an den brief gehangen hat, im und seinen erben an schaden, der geben ist nach Christi gebu^erdt vierczehenhu^ondert jar, darnach in dem fu^emftem jare, an phintztag vor dem vaschang tag.