Ich Wolfgang von Friesing vergich fu^er mich und all mein erben und tuen kund offenleich mit dem brief, das ich mit guetem willen und mit wolbedachtem muet, zu der zeit, da ich es wol getuen mochtt, und mit meins lehenherren hannt des hochgeporn fu^ersten meines gene^adigen herren herczog Albrechts, herczogen ze O^esterreich etc., verkaufft hab meins rechten lehens, das ich von im ze lehen gehabt hab und daz mir der egenant mein gene^adiger herr von seinen fu^erstleichen genaden verlihen hat, item meinen viertail aus achtt mutten trayts ze u^eczing, item meinen viertail aus vierczehen schillingen Wienner pheningen geltes daselbs ze u^eczing. Dieselben mein baid viertail getraides und geltes und waz darczue geho^eret ze veld und ze dorff, es sey gestifft oder ungestifft, versuecht oder unversuecht, wie daz genant ist, hab ich rechtt und redleich verkaufft und geben mit allen den nu^eczen und rechten, als ich die in lehens gewer inngehabt und herbracht hab und als mi^er die der obgenant mein gene^adiger herr von seinen fu^erstleichen genaden verlihen hat und als sy von alter sind herko^emen, umb new\an und dreissig phunt Wienner phening, der ich gancz und gar verricht und gewert pin, dem erbern Pangre^aczen dem Newnhawser und seinen erben, fu^erbas ledikleich und freyleich ze haben und allen i^ern frumen damit ze schaffen, mit verchauffen, mit verseczen, machen und geben, wem sy wellen, an allen krieg und i^errsal. Ich pin auch mitsambt allen meinen erben unverschaidenleich der obgenanten zwair viertail getraides und geltes und i^err zugeho^erung des egenanten Pangre^aczs des Newnhawser und seiner erben rechtt geweren und scherm fu^er alle ansprach, als lehens und des landes ze O^esterreich recht ist. We^ar aber, das in mit recht daran icht abgieng oder ob in icht krieg oder ansprach auferstu^enden, von wem das we^are mit recht, was sy des schaden nement, das sullen wir in alles ausrichtten und widerkern an allen i^ern schaden, und sullen sy daz haben dacz uns und auf allem unserm guet, das wir haben in dem lannde ze O^esterreich oder wo wi^er es haben, wi^er sein lembtig oder tod. Und das der kauf fu^erbas also ste^at und unczebrochen beleib, des ze urchund gib ich fu^er mich und all mein erben in den brief, versigilten mit meinem anhangundem insigl. Der sach ist geczewg durch meiner fleissigen pet willen der erber Steffan von Lewtfaring mit seinem anhangundem insigl, im und seinen erben an schaden.||
Geben ze Wienn an phincztag vor sand Augustins tag, nach Kristi gepu^erd vierczehenhundert jar, darnach in dem sybenczehendem jare.