Ich Hanns von Friesach und ich Oswalt Scher, baid dieczeit des rats der stat ze Wienn, bekenn, das fu^err den vorgenanten rate kom fraw Helen, Hainreichs Gotschalichs des Kolner, burger ze Wienn, hausfraw, die weilent Steffann den Langen auch hat eleich gehabt, und bate den vorgenanten rate unverschaidenleich, das sy ir und junkchfrawn Annen, desselben i^ers erern manns tochter, die da ist zu Sant Niclas vor Stubentor ze Wienn, und junkchfrawn Dorothen, die sy hat bei demselben i^erm erern mann Stephann dem Langen, geben aus in des rats ze tailern zu allem dem gu^et, so in der vorgenant i^er erer man Stephan¹ Lang in gleichen tail geschafft hat. Also gab der vorgenant rate uns egenanten zwen in darczu^e ze tailern, und haben auch dasselb gu^et rechtt und redlich under sy getailt, also das an derselben tailung mit fu^erczicht und los gevallen ist der vorgenanten frawn Helen aus den erbgu^etern das haus ze Perchtoltstorf bey dem Wegpach, darczu ist ir gevallen aus beraitem gelt zwayhundert und zwen und vi^erczig guldein, item aus den weynn, virdig und hewrig, die man verschankcht und verkaufft hat, drewhundert und dritthalb phunt und zehen Wienner phening. Item auch ist ir gevallen aus varundem gu^et ain seidein gulter, ain leynein gulter, zway ku^ess, ain tisch, drey zynein schu^essl, vier hulczein schu^ossl, ain grasse kandl, ain pett, zwo flaschen und siben aicheine vas. Da enkegen ist auch mit furtzicht und los gevallen der vorgenanten junkchfrawn Annen zu Sant Niclas und demselben kloster auch aus den erbgu^etern das haus, stadl, garten und secz hinden daran und sechs und dreissig phunt, funf schilling und zehen phening, die in die benant Helen von i^erm tail zu aufschacz von dem hauss zu Berchtoltstorf geben sol, item aus beraitem gelt zwayhundert und zwen und vi^erczig guldein, item aus den weinn drewhundert dritthalb phund und zehen phening, item aus dem varundem gu^et zway pett, ain gulter, ain kotzen, zway kuess, ain polster, ain scheibliger tisch, drey kandeln, ain flaschen, zwo zynein schu^esseln und newn aicheine vas. Dawider ist auch mit fu^ertzicht und los gevallen der vorgenanten junkchfrawn Dorothen auch aus den erbgutern ain weingarten an dem Hertzogenperg und ain weingarten genant das Greutt und sechs und zwainczig phunt, fu^enf schilling und zehen phening, die ir die vorgenant ir mu^eter fraw Helen auch zu aufschatz von dem haus ze Perchtoltstorf geben sol, item aus beraitem gelt zwaihundert zwen und vi^ertzig guldein, item aus den weinn drewhundert dritthalb phunt und zehen Wienner phening, item aus varundem gut ain pett, ain gulter, ain sakch mit vedern, zway ku^ess, ain polster, der grass scheiblig tisch, zwo kandeln, ain flaschen, zwo zynein schu^essl, fu^emf hultzein schu^essl und fu^emf grass aichein esl (!)². Wi^er haben auch die tailung zwischen in getan in der maynung, das yeder vorgenant tail mit seinem tail, so im gevallen ist, allen seinen frumen mag geschaffen, wie in des verlust an des andern i^errung, ausgenomen des hauss ze Perchtoltstorf, das der vorgenanten frawn Helen gevallen ist, das sol sy innehaben nach innhaldung des vorgenanten irs erern manns gesche^afft, denn die vorgenanten baid aufschetz, so sy i^eren baiden tochtern geit, als vorgeschriben stet, bringent drew und sechtzig phunt und achtzig phening, die sol sy auf demselben haus ledichleich haben, allen i^eren frumen damit ze schaffen, verkauffen, versetzen und geben, wem sy well, vor aller i^errung, und ob man die egenant junkchfrawn Annen aus dem kloster ne^am, so sol i^er derselb tail nicht voligen, sunder bey dem kloster ledichleich beleiben, als das des vorgenanten Stephan Langen gesche^afft innhaldet. Und also komen wi^er wider fu^er den rate und sagten da unser kuntschaft, als wi^er ze recht solten. ||
Des ze urchunt geben wi^er von gesche^afft und haissens wegen des vorgenanten rats der egenanten junkfrawn Annen und dem kloster dacz Sant Niclas den brief besiglten mit unser baider anhangunden insigeln. Geben ze Wienn an eritag vor sant Thamans tag, nach Kristi geburd viertzehenhundert und in dem zwainczigistem jare.