Nos¹ capitulum ecclesie Posoniensis memorie commendantes tenore presencium significamus quibus expedit universis, quod religiosi viri fratres Stephanus celerarius et Petrus cantor ecclesie Sancte Crucis de Austria pro domino fratre Iohanne abbate et conventu eiusdem ecclesie ordinis Cisterciensis cum procuratoriis litteris ordinis eorum ab una, item Dominicus filius Iohannis de Leansok sive Lendorff, alio nomine Togonfelde, personaliter pro se et pro universis suis heredibus, fratribus et consanguineis sine litteris procuratoriis, onera tamen eorundem si infrascripta temporum in processu retractare niterentur in se assumpsit, ex altera partibus coram nobis constituti, per eundem Dominicum confessum extitit in hunc modum, ut ipse totalem porcionem suam possessionariam in prescripta possessione Leansok co mitatus Mosoniensis habitam hereditarii iuris titulo ipsum contingentem cum omnibus suis utilitatibus, prata (!), terris arabilibus, pascualibus, fenetis et aliis subiectis et antiquis metis eiusdem habitis ad eandem totalem porcionem possessionariam spectantibus prescriptis abbati et conventui ecclesie Sancte Crucis pro quadraginta libris magnis, quamlibet libram ducentis et quadraginta denariis nove monete regalis nunc currentis computando, iure perpetuo et irrevocabiliter tenendam et habendam vendidisset, ymmo vendidit coram nobis nullum ius nullave iuris proprietatem in ipsa totali porcione possessionaria vendita sibi et suis posteritatibus reservando, sed quamlibet eius iurisdiccionem in ipsos dominum abbatem et suum conventum pleno iure transferendo. De quibus quidem quadraginta libris duodecim libras magnas compoti prescripti (!) memoratus Dominicus sibi persolvisse et per ipsum recepisse retulit, residuas autem viginti octo libras compoti pretacti ipsi fratres Stephanus et Petrus, nominibus quibus supra in festo beati Martini confessoris hic coram nobis simul et semel, pure et absolute, absque nona et decima partibus reddere et persolvere assumpserunt, his condicionibus adiectis, ut ubi ipsi dominus abbas et conventus prescriptam solucionem facere nollent aut non possent, ex tunc in dupplo dicte pecunie convicti haberentur et insuper ipsa vendita totalis porcio possessionaria pristine proprietati ipsius Dominici mox et ibidem redacta haberetur. Ubi autem eadem solucio per ipsos abbatem et conventum dicto Dominico plenarie perficeretur, ex tunc ibidem ipse Dominicus quelibet litteralia sua instrumenta factum premissum contingencia, puta originalia ac eciam metalia et alia universa pre manibus suis habita, ubilibet emanata pro perpetuali confermacione (!) prescripte vendite totalis porcionis possessionarie coram nobis manibus procuratoris aut hominum ipsorum abbatis et conventus dictam sulucionem perficiencium plene et integre doloque et fraude quibuslibet postpositis defectu sine omni dare et assignare deberet atque teneretur.||
In cuius rei memoriam firmitatemque perpetuam presentes eisdem domino abbati et conventui litteras nostras privilegiales pendentis et auctentici sigilli nostri munimine roboratas duximus concedendas.||
Datum in festo sancti Laurentii martyris, anno Domini millesimo quadringentesimo vigesimo primo.