Ich Peter Winnter, ich Angnes Pauls des Tenne^ar hawsfraw^e, ich Anna Ge^angleins des Pe^aschels hausfraw und ich Dorothea Stephans des Schachen hausfraw^e, all drey des benanten Peter des Winnter swestern und Kunracz des Winnter seligen kinnder, bekennen o^effenleich mit dem brief, als wir dem beschaiden mann Hannsen dem Schachen zu Krotental, seiner hausfrawen und iren erben das lehen inn Krotental in Pecznkircher pharr gelegen, das mit seiner lehenschafft geho^ert zu dem gotzhawss dacz dem Heyligen Kre^awcz, verkaufft haben. Darumb so pitten wir den erwirdigen geistleichen hern herrn Hainreichen abbt dacz dem Heiligen Kreucz, daz er den kauffbrief, den wir im geben und in dem wir mit namen geschriben seinn, mit seinen anhangundem insigel besigel und beware. Das ist unser aller gu^etleicher will und wort, und all sein nachkomen a^ebbt dacz dem Heiligen Kreucz und das gotzhaus daselbs sullen hinfu^er von des sigils und lehenschafft wegen von uns und unsern erben kchain zu^espruch nymmer mer haben, und ob er oder sein nachkomen darumb icht zuspru^ech gewunnen, des si zu schaden komen, den sullen si haben dacz uns, unsern eriben unverschaidenlich und darczu aus allem unserm gu^et. Das ist unser will und wort, und des zu urkund so geben wir in den brief, besigllten mit der erbern weisen Hannsen des Kerspawmmer und Hannsen des Polrawsses, baider des ratz zu Ibs, anhangunden insiglen, in und iren erben an schaden. ||
Geben nach Krist purt vierczehenhundert jar, darnach im achtunddreissigsten jare, an sand Jacobs tag.