(f. 1r) Wir Fridreich, von Gotes gnaden Römischer kunig, zu allen zeiten merer des reichs, herczog zu O^esterreich, zu Steyr, zu Kernden und zu Krain, graf ze Tyrol etc., bekennen mit dem brief und tu^en kunt offentlich allen, den er furkumpt und geczaigt wirt, als wir in willen gehabt haben, uns mit der hilff Gotes umb unser Romische kunigliche kronung und von der Heiligen kristenlichen kirchen, auch des Heiligen Romischen Reiches treffenlicher sachen und notdu^erffte wegen, aus unsern erblichen lanndten ain zeit ze fu^egen, als wir dann noch auf unserm gevertt sein, dadurch wir mit gu^eter vorbetrachttung und mit zeitigem rat zu unsern anwe^alten in Osterreich geseczet und geordent hetten den erwirdigen Nicodemen, bischoven zu Freysingen, unsern fursten und lieben ande^achtigen, die ersamen geistlichen Heinreichen, abt zum Heyligen Kre^awcz, Jorgen, probst zu Klosternewmburg, unsern lieben ande^achtigen, den edeln und unser lieben getrewn Johannsen, graven ze Schawmburg, obristen marschallen in Steyr, Leopolten von Ekharczaw, Stephan von Hahemberg, Hannsen Sweinwartter, Stephan Missingdorffer, Hannsen Walich, Ku^enraten Holczler, Hannsen Steger, Niclasen Engelgershauser, unsern burger zu^e Kornnewmburg, und in vo^elligen und ganczen gwalt gegeben heten, daz si all oder ettleich aus in als vil der dann albeg zu zeiten da gesein mochtten, unser furstentum O^esterreich niderhalb und ob der Enns in allen sachen, die dasselb unser furstentum und auch all inwoner des lannds antreffend und beru^erent, an unser stat ausrichten, handeln, tu^en, schaffen und verwesen sollten, mit gerichtt oder an gerichtt, wie si das albeg nach gelegenhait der sachen bede^ancht hiet, gu^et, fu^egsam und notdurftig sein in allen massen und in allen wegen, als wir selber nach innhaltung unserr verschreibung den vier partheyen gegeben te^aten oder (f. 1v) getu^en hieten mugen, wenn wir in aigner person weren gegenwurtig gewesen, als das alles unser gewaltbrief, den wir in gegeben heten, lautter ausweist, und wan sich dieselben unser anwe^alt durch ir schreiben und botschaft nachmalen von uns aus der anwaltschaft gemussigt und geurlaubt habent, haben wi^er angesehen solich ir fleissig handlung und verwesung, so si in der anwaltschafft, alss lanng si darinn sind gestanden, getan, gehanndelt und geschaft haben, mit briefen oder an brief, nach irem besten versteen, als si des unser re^at, die das furstentum Osterreich von unsern wegen kunftiglich sullen regiern, aigentlich underweiset habent, und haben si darumb an stat unser selbs und unsers lieben vettern kunig Lasslawen und unserr erben aller und yeglicher solher handlung und verwesung, die si in der anwaltschaft getan und gehandelt habent, als vor beru^ert ist, von unsern und desselben unsers vettern kunig Lasslawen und des landt wegen ge^anczlich ledig und loss gesagt und sagen auch wissentleich mit dem brief und wellen all solch obgemelt ir hanndlung ge^anczlich und unczebrochen halten, wan wir daran ain gancz benu^egen haben, daz auch wi^er noch yemandt von unsern wegen dawider tu^en, hanndeln noch schaffen sullen noch wellen noch yemands gestatten dawider ze tu^en in dhainerlay weis, sunder in allen solhen handlungen ir gne^adiger herr, schirm und furstand sein, an alles geve^ar, und des zu urkund geben wir in den gegenwurtigen unsern versorgbrief und quittung, versigelten mit unserm kuniglichen anhangunden insigel. ||
Der geben ist zu Nurmberg an mitichen vor dem heyligen auffertag anno Domini millesimo quadringentesimo xliio, unsers reichs im dritten jar.