Frater Johannes, abbas Cistercii cabilonensis diocesis, generalis ubique receptor contributionum et subsidiorum ordinis cum plenaria potestate capituli generalis venerabili et in Christo nobis percarissimo coabbati nostro monasterii de Sancta Cruce in Austria sinceram in domino caritatem et fidelis diligentiae fructus assequi salutares. Cum solerti majorum nostrorum Providentia ad felicem directionem seu votivam supportationem diversorum et arduorum agendorum et negotiorum gravium ordinis tam in curia Romana quam alibi institutae fuerint annuales contributiones, sine quibus impossibile esset, ea||
ipsa agenda et negotia conducere, justum est et maxime necessarium, easdem contributiones eo sedulius recipere et colligere, quo in dies amplius dicta agenda et negotia conducere, justum est et maxime necessarium, easdem contributiones eo sedulius recipere et colligere, quo in dies amplius dicta agenda et negotia communia variaque privilegiorum impedimenta augeri et aggravari pene ubilibet dignoscuntur. Hinc est, quod vobis, de cujus discretione et fideli diligentia, probitate multisque aliis virtutibus ad plenum confidimus, tenore praesentium committentes districtissime in virtute salutaris obedientiae ac sub poenis singulis ante in capitulo generali sub hujusmodi rebus taxatis praecipientes mandamus, quatenus singulis annis tempore oportuno per vos aut deputatos vestros firmiter exigatis et percipiatis contributiones monasteriorum, in alia commissione nostra generali fidei et vigilantiae et sollicitudini vestrae commissorum juxta piam moderationem nostram inferius subscriptam, sufficientes et validas quittantias solventibus facientes; contradictores autem seu negligentes aut inobedientes per universas ordinis censuras et justitiae remedia indissimulanter ad . . . tradendum et solvendum realiter vobis et commissariis vestris integraliter quottas earundem contributionum nec non restas annorum praecedentium ac rationabiles expensas monasteriorum vestrorum compellentes; ita ut singulis annis dictas contributiones et restas sufficienti et oportuno tempore per vos rationabiliter disponendo aut ad nos, si fieri potest, aut ad venerabilem et in Christo nobis charissimum coabbatem nostrum de Ebraco sacrae theologiae professorem cum clara declaratione et specificatione, quid et quantum et pro quibus annis a quolibet fuerit receptum, transmittatis, ne deinceps error in computationibus ordinis ex solita confusione in istis oriatur. Pro securitate autem conscientiarum damus vobis authoritatem, absolvendi plenaria authoritate ordinis, universos et singulos abbates et officiarios ac etiam monachos eorundem monasteriorum a sententiis exeommunicationis et aliis censuris ordinis, quas occasione non solutionis earundem contributionum seu quottarum aut expensarum tempore assignato aut assignando incurrerant seu incurrent ac cum eis dispensandi super irregularitatibus, si quas contraxerint insistendo se diutius innodati praedictis excommunicationum sententiis occasione praemissorum, dummodo vobis aut mandato vestro obediant tam de principali quam de rationabilibus expensis et licitis accessoriis, et non alias hanc quoque potestatem absolutionis et dispensationis etiam extendimus ad novissimum subsidium charitativum si contigerit, vos aut alios ordinis abbates aut abbatissas et officiarios illud non solvere hoc praefixo per generale capitulum et quo ad eos, qui necdum solverunt installationem suam et expensas cum resignatione et debitum fecerunt. Datum Cistercii VII augusti, anno domini millesimo quadringentesimo octuagesimo primo.||
Taxa gratiosa et pro nunc moderata eontributionum sequentium monasteriorum: de Sancta Cruce VIII flor. renenses, de Novo monte IIII flor., de Campo||
Liliorum VI flor., de Zwethla IIII flor., de Alto fonte V flor., de Cella Angelorum VI flor., de Hylaria X flor., de Valle Dei VIII flor., de Paumgartenberg V flor., de Valle Dei (?) VIII flor., de Runa VI flor., de Sitich V flor., de Landstrass V flor., de Victoria VIII flor., de Sancta Trinitate in Nova civitate (—). Praesentibus usque ad quinquennium in suo vigore duraturis.

Source Fulltext: Zisterzienser-Chronik 12 (1900) S. 343-344