Ich Eberhart von Dachsperg vnd Ich Wolfker sein Pru^oder Wier veriehen mit vrchund ditz priefs daz vns der Erber man Leb von Tyemdorf versätz hat ze Ebentewr seinen Weingarten der do leit ze Tyemdorf haizzet die Mu^elpeunt vnd pvrchrecht dem Gotshaus ze Hertzogenwurch alle jar in dem lesen funfzehen gib emmer Weins fu\er seinen Ohem Hainreich den Vetern von fuezpru^en vnd fu^er sein Erben fu^er Achzich phunt Wienner phenning. Also beschaidenleich Ist daz vns der selb Weingart mit Ebentw^er vns vnd vnsern erben vervellet verpint wier vns dar zve daz wier daz vorgenant Purchrecht fu^enfzehen gib Emmer Weins alle jar dem egenanten Gotzhaus purchrechten vnd dienen schullen an allen chrieg vnd widerred vnd in dhainen chrieg do an auf tuen vnd machen. Taet wier des nicht so schol der vor genant Weingart dem egenanten Gotzhaus ledichleich vervallen sein mit vnserm gveten willen, vnd daz die red stet vnd vnzebrochen beleih gib ich vorgenanter Eberhart von Dachsperch dem vorgenanten gotzhaus ze Hertzogenburch wan wier payd nur ain Insigel haben disen prief versigelt mit meinem hangunden Insigel vnd ze ainer pezzern sicherhait mit des erbern mans Insigel Stephans des Purkrafen ze goboltzpurch der diser sach zeug ist mit seinem Insigel.

Source Fulltext: FAIGL, Herzogenburg (Wien 1886) S. 32