Ich Wernhart der Drvhsetz von uzesdorf Tuen chvnt allen levten die disen prieff an sehent oder lesen horent das mier mein herr probst Trost von Hertzogenburch von seinen genaden gelichen hat dev schvt, dev genant ist die Geygerin mit dem rayn vnd mit dem recht als vormall ingehabt Herman der Stevdler vnd sein prvder vlreich vnd hat mier dev schvt gelichen ze seinen tagen vnd ze den meinen tagen, wann vnser ainer nimer ist so schols wider sein des gotshavss, ledichleich vnd gentzlichen mit allem reht vnd schol ich dem vorgenanten meinem Herren probst Trosten alle jar do von dienen setzs pfenning wienner mvniz an sand Jorgen tag vnd wann ich des nicht tuen so pin ich gevallen von meinem reht vnd das die rede stet weleib vnd nach meinen tagen an chryech von meinen erben gib ich den prieff meinem vor genanten Herren versigelt vnd westetet mit meinem Insigel. Das ist geschehn do von Crists gepurd waren ergangen drevtzehen hvndert Jar dar nach in dem aynleften Jar an Sand Gregorii tag in der vasten ze Hertzogenburch.

Source Fulltext: FAIGL, Herzogenburg (Wien 1886) S. 37-38