Quoniam ea que in humanis fiunt rebus vel longi decursus temporis a memoria abstergit hominum, vel calumpniatorum plerumque conturbant insidie, necessarium est vt scriptis vel testibus inuiolabile accipiant firmamentum. Nos itaque Heinricus Dei gracia Prepositus Syfridus Decanus Totusque Conventus Ecclesic sancti ypoliti eodem cautionis genere rationabiliter uti volentes vniuersis Christi fidelibus tam praesentibus quam futuris hanc intuentibus paginam fieri cupimus manifestum. quod communicato proborum ac sapientum virorum consilio matura deliberacione praehabita et vnanimi consensu cum Reverendis in Christo patribus, dominis et amicis nostris karissimis dominis Trostone venerabili Preposito. Ch(vnrado) Decano. Totoque Capitulo Ecclesic sancti Georii in Hertzognwurga de predio suo videlicet de duabus areis in Oezeinstorf, de quarum una servit Vlricus Textor ibidem in festo Mych. XXX denarios viennensis monete et unum anserem et duos pullos et in pasca duos caseos et XXX ova. de secunda servit dictus Perntaler in die sancti Mych. annuatim XX denarios ejusdem monete, iure concambii convenimus eo tenore, ut ipsi nostram aream in Antzenperg de qua servit vlricus Spo^ereler in festo Mych. XL denarios et unum anserem et duos pullos et in Carnisprivio unum pullum et in Pasca duos caseos et XXX ova. Et unam domum ypolitensi in strata Cultellatorum de qua servit Ch. institor annuatim in die sancti ypoliti XX denarios predicte Monete velut nos hucusque possedimus perhenniter possideant pleno iure Nos vero et Ecclesia nostra memoratas areas in O^ezeinsdorf, eo iure quo ipsi possederunt debeamus perpetuo possidere. Tali eciam condicione interposita quod obligamus nos eisdem dominis et sue Ecclesic sub ypoteca rerum nostrarum secundum communem formam utriusque iuris si necessarium fuerit ab omnibus impeticionum insultibus assignatos ipsis annuos redditus defensuros. Ne igitur huiusmodi contractus legittime celebratus processu temporis valeat occasione qualibet in irritum revocari, sed maneat in posterum inconuulsus presentes literas conscribi fecimus et sigillorum nostrorum munimine in evidens testimonium huius rei firmiter roborari. Datuni ad sanctum ypolitum anno Domini M°. CC°C. XX°IIII XV. Kalendas junii.

Source Fulltext: FAIGL, Herzogenburg (Wien 1886) S. 96-97