Wier Graf Chuenrat von Schaumberch veriehen vnd tuen chunt mit disem prief allen den die in sehent oder horent lesen die nu lebent vnd hernach chunftich sint Daz wier des Zehenthofs der da leit ze Grauenwerd der sand Georgen gotshauses aigen ist ze Herzogenburch vogt sein als anders vnsers voytguets daz Grauenwerd vnd schol auch man vns dienen alle Jar von dem selben hof ain vogthuen vnd daz disev red stet vnd vnzebrochhen hin fuer ewichleich beleib dem vor genanten sand Georgen gotshaus ze Herzogenburch geb wier im disen prief versigelten vnd bestetten mit vnserm Insigel. Der prief ist gegeben do von Christs gepuerd waren ergangen Tausent Jar Dreu hundert Jar vnd dar nach in dem vier vnd zwainczkisten Jar an dem Auffuert Tag ze Wienn in vnserm Hause.

Source Fulltext: FAIGL, Herzogenburg (Wien 1886) S. 97-98