ICH leorg von Goetzisdorf. vnd ich Margret sein Hauswraw. vnd vnser payder Erben. Vergehen offenleich vnd tuen chunt allen den die disen prief sehen ho^erent oder lesent. di nu leben vnd hernach chu^enftig sind. Das wir mit wol verdahtem muet, mit gesampter hant nach Rat vnd weisung vnser pesten freund zv der zeit do wir iz wol getuen mochten vnsers freys aygens Recht vnd Redleich verchauft haben ein halbs Lehen ze hertzogenburch auf der widem dar auf zv den zeiten gesezzen waz chunrad der schmid, vnd dienet alle lar an sant Michel tag Sechzig wienner pfennig, vnd ein gancz Lehen ze Oberndorf gelegen an dem Ort gegen dem Marcht ze hertzogenburch das wir emal heten auzgewechselt mit dem Erbern beschaiden Ritter hern Colman von Ramsenbach. (Urkunde CLXXI.) Das selb Lehen haben wir gegeben, mit grunt vnd mit purchrecht, ledicleich, also beschaydenleich daz chein gebawer noch nyeman chainen Recht dar auf nicht enhat weder wenig noch vil. Dev vorgenanten gu^eter haben wir ze chaufen gegeben dem Erbern man hern wildung von wildungsmawer vnd allen seinen Erben, vmb vierczig pfunt wienner pfennig. der er vns Gancz vnd gar gericht vnd gewert hat. Vnd dev obgenanten Gueter haben wir in gegeben versuecht vnd vnuersuecht, gestift vnd vngestift mit allen Nu^eczen vnd Rechten vnd wir sev her pracht vnd gehabt haben fuer ein freyes ledigs Aygen vnuerchumertz an allen steten, fuerbas allen irn frummen da mit ze schaffen ze versetzen ze verchaufen geben wem sie wellen an allen irsal. Vnd sein auch wir der vorgenanten Gueter ir Rechter Scherm vnd gwer fuer all ansprach. nach des Landes Recht in Osterreich. . . . Das dise sache fuerbas staet vnd vnzprochen beleib Geben wir in disen prief dar v^eber versigelten mit meins vorgenanten leorgen anhangunden Insigel. Dar zv^e sint dirre (sic) sache gezeug mit irn anhangunden Insigeln die erbern hern Colman von Ramsenbach, her Chunrad der friczistorfer von Swarcza Wolfger der Rechelsperger vnd Chunrad der freuncz hauser. Daz geschach nach Cristes gebuerd Dreuzehen hundert lar dar nach in dem ain vnd fuenfzigistem lar an des hayligen herren Sant Gilgen Tag.

Source Fulltext: FAIGL, Herzogenburg (Wien 1886) S. 200-201