In nomine Domini Amen. Anno Natiuitatis eiusdem Millesimo Trecentesimo Septuagesimo primo Indiccione nona die octava Mensis Decembris hora Vesperarum vel quasi pontificatus sanctissimi in Christo patris et Domini nostri Domini Gregorii diuina prouidencia pape undecimi anno primo In mei Notarii publici testiumque subscriptorum presencia personaliter constituti venerabilis in Christo pater Dominus Nycolaus Prepositus Monasterii Hertzogenburgensis Canonicorum Regularium Ordinis sancti Augustini Patauiensis diocesis parte ex una et discretus vir Dominus Vlricus dictus Tewfel presbyter dicte patauiensis dyocesis parte ex alia coram venerabilibus in Christo patribus et Dominis Domino Vlrico Abbate Monasterii Chotwicensis Ordinis sancti Benedicti et Domino Joanne Monasterii sancti ypoliti Preposito Canonicorum Regularium dicti Ordinis sancti Augustini prefate Patauiensis dyocesis nec non coram Nobilibus Dominis Ministerialibus Domino Marquardo dicto Tu^ers et Domino Ioanne dicto Totzenpekch. cupientes ad pacem et concordiam absque iudiciali strepitu pervenire matura deliberacione et tractatu diligenti prehabitis se pro omnibus et singulis litibus dissensionibus Controuersiis et questionibus quibuscunque que inter ipsos hucusque de et super perpetua vicaria Ecclesie parrochialis in Stalhofen predicte dyocesis Monasterio Hertzogenburgensi predicto pleno lure incorporata seu annexa verse sunt et vertebantur amicabiliter et totaliter concordarunt et composuerunt Ita quod Dominus Nycolaus Prepositus antedictus ad preces humiles ipsius Vlrici nec non ad peticiones diligentes predictorum Dominorum expensas, dampna et interesse per eum in lite factas eidem Vlrico penitus dimisit nec non omnes vexaciones molestaciones et perturbaciones quas sibi et monasterio suo predicto de Jure vel de facto intulit, plenarie indulsit et ipsum Vlricum in antedicte parrochialis Ecclesie in Stalhofen perpetuum vicarium fauorabiliter et graciose recepit sibique de eadem Ecclesia cum Jure parrochiali ac decimis suis minutis videlicet Caseorum, pullorum, antarum, Olerum, Canapis et aliorum fructuum, qui reputari possunt pro decimis minutis, de Consensu Conuentus Monasterii Hertzogenbur gensis antedicti pleno iure prouidere ac ipsum in eandem instituere et in ipsius corporalem possessionem inducere seu induci facere ad vitam suam ut moris est publice promisit, Excepto quod maiores fructus videlicet vinum triticum frumentum ordeum auena et ea que pro maioribus fructibus seu decimis conputari solent, in usus ipsius Prepositi et prefati sui Monasterii absque omni impedimento plenarie convertantur et Dominus Vlricus predictus sponte ac libere sub pena Excommunicacionis late sentencie se obligauit quod de Ecclesia antedicta et eius prouentibus pro censu consweto alias ipsi Preposito et Monasterio Hertzogenburgensi annuatim exsoluto singulis annis eisdem Preposito et Monasterio quatuor libras denariorum wiennensium interpolatim dumtaxat videlicet in quolibet termino Quatuor temporum uel infra tres septimanas tunc inmediate sequentes unam libram dictorum denariorum absque dilacionis dispendio persoluere realiter velit et debebit et quod velit se in eadem Ecclesia decenter regere et laudabiliter exercere ac dicte Ecclesie et popolo ibidem fideliter preesse et ipsi Domino Preposito humiliter obedire ac eciam omnia onera apostolica episcopalia siue ducalia dicte Ecclesie incumbentia solus benigniter supportare, promisit insuper fide data loco prestiti iuramenti quod non velit nec debebit ipsum Prepositum et Monasterium in dictis decimis et aliis Juribus suis, expensis ac vexacionibus absque frawde quomodolibet impedire et perturbare. Quare si idem Vlricus premissa omnia et singula de cetero per se vel alium eius nomine publice vel occulte directe vel indirecte in toto vel in parte infringere vel contraire quomodolibet presumpserit et ipsa sic ut promittitur obseruare non curauerit ipse ex nunc prout ex tunc et ex tunc prout ex nunc, ut voluntarie arbitratus est, omnia sua Jura que sibi in dicta Ecclesia competebant seu quouismodo competere possent omnimode amittere seu perdere debebit ipso facto, et saepedictus Dominus Prepositas ipsum Vlricum de dicta Ecclesia amouendi et alium loco sui in eadem Ecclesia inuestiendi plenam et liberam habere debebit facultatem. In quorum omnium et singulorum testimonium dicte partes petierunt ipsis hoc presens publicum instrumentum per me subscriptum Notarium confici meisque signo et subscripcione vna cum sigillorum prefatorum Dominorum appensione communiri. Acta sunt hec in Chotwico prefate patauiensis diocesis in domo habitacionis venerabilis Domini Vlrici ibidem Abbatis antedicti in Minori stuba eiusdem domus anno die Mense Indiccione Pontificatu et hora quibus supra presentibus discretis viris et Dominis Domino Lewpold professo Monasterii Ypolitensis antedicti Thome Hugonis presbytero Heymingo plebano in Haynfeld et Vlrico Judice in Wilhalmspurch ac pluribus aiin sepedicte patauiensis dyocesis testibus fide dignis ad premissa vocatisspecialiter et requisitis. Signum Notarii. Et ego Haymo quondam Ludwici de Prawnaw Clericus Patauiensis dyocesis publicus Imperiali auctoritate Notarius premisse amicabili composicioni. arbitracioni. promissionibus ac omnibus aliis et singulis premissis presens interfui eaque sic fieri vidi et audiui. Quapropter hoc presens publicum confeci instrumentum quod aliis diuersis prepeditus negociis per alium scribi fideliter feci et in hanc publicam formam redegi nil adens (sic) uel minuens, quod sensum mutet siue variet intellectum signoque meo solito et consweto vna cum appensione sigillorum prefatorum Dominorum ad studiosam requisicionem dictarum partium et de mandato ipsorum Dominorum speciali roboraui in euidens testimonium omnium premissorum.

Source Fulltext: FAIGL, Herzogenburg (Wien 1886) S. 261-264