ICH Wernhart der Druchtsacz (sic) von Richerstorf vnd all mein erben wir veriehen vnd thun chunt mit dem brieff allen leuten das ich die gueter von Rawpatenpach gegeben han gegen Herczogenburch ze Gotesleichnam capeln das man da von sprechen schol alle wochen czw^e messe an dem mentag von allen seln an dem phinstage von gotes leichnam. Ich vnd mein erben schuln auch der egenanten gueter vogt sein mit vrchunde des brieffes. Das die rede stet vnd vntzebrochen beleib ze ainer pezzern Sicherhait geb Ich vnd mein svn Wolfganch den brieff versigelten mit vnsern anhangunden Insigeln. Der brieff ist gegeben noch Christes gepurt dreiczehen hundert iar dar noch in dem czwei vnd Sibenzigisten iar an sand Elsebeten tag.

Source Fulltext: FAIGL, Herzogenburg (Wien 1886) S. 267-268