Ich Reinhart der Wehinger vergich an dem prief daz fu^er mich chomen ist Heinreich der Smidacher vnd hat mich gepeten durch seiner dinst willn vmb de Hofstat de gelegen ist ze Etzelsperg de von mir zelehen ist daz ich de dem Erwirdigen herren Probst Iacobn ze Herczogenburch vnd seinem Conuent de aygenschaft dar auf geb daz de fu^erbaz ier aygenschaft sey. dez han ich in gewert durch seiner dienst willn Sy schullen auch fu^erbaz allen iren frum damit schaffen verseczen vnd verchauffen. Wer aber daz in mit recht an der aygenschaft icht abgieng daz schol ich in allez auzrichten an alle irrung vnd an alle widerred. Daz die red also stet vnd vnczerbrochen beleib dar u^emb gib ich vorgenanter Reinhart der Wehinger dem obgenanten Erwirdigen herreo Probst Jacobn vnd seinem Conuent den prief versigelt mit meinem anhangundem Insigel. Der brief ist gebn da man zalt von Christi gepu^erd drewczehen hundert iar dar nach in dem achtzigstem iar an sand Bartholomes Tag dez heyligen zwelfpoten.

Source Fulltext: FAIGL, Herzogenburg (Wien 1886) S. 299-300