ICH Andre von liechtenstain vnd alle mein erben wir veriechen vnd tu^en chvnt allen den die den brief lesent sechent oder horent lesen die nu lebent vnd hernach Chumftig sind, daz wier . . . recht vnd redleich verchaufft haben vnsers rechten ledigen vreyen aigens vnsern weingarten der gelegen ist dacz Intzestorff ob dem Purchstal genant der prait Acker als wir den von meinem pru^eder Hansen von liechtenstain getailt haben vnd als er mit marichstain vnd mit (rain) ausgemaricht vnd geraint ist vnd mit alle dew vnd dar zu^e gehort ez sei gestifft oder vngestifft versucht oder vnversucht wie so daz genant ist an alln auszug als wir ez in rechter aygens gewer her pracht haben also hab wir ez alles verchaufft vnd gebn dem erbern herren hern hansen von Tulln Chorherren dacz hertzogenburch die zeit Chastner da selbst vmb ayns vnd dreizzich phunt wienner phennig der wir gancz vnd gar von ym verricht vnd gewert sein ze rechten tegen also beschaidenleich daz er fu^erbas mit dem obgenanten weingarten allen sein frum damit schaffen schol mit verchauffen mit verseczen geben wem er wil an allen irresal also mit ausgenomen red ist daz er den vorgenanten weingarten vor ehaffter not vncz an sein tod versparen mag vnd dan nach seinem tod schol er den Chorherren dacz hertzogenburch wartund vnd gewidemt sein auf ir oblay in alle den rechten als vor geschriben stet vnd durch pezzer sicherhait seczen wir vns ich vorgenanter Andre von liechtenstain vnd alle mein erben vnverschaidenleich vber den obgenanten weingarten vnd als daz dor zu^e gehort als vor geschribn stet dem vorgenanten hern hansen vnd den Chorherren dacz hertzogenburch ze rechtem scherem vnd geweren fu^er alle ansprach als aygens recht ist vnd dez landes recht in Osterreich. . . . vnd daz der Chauff fu^erbas also stet vnd vnczebrochen beleib, dar vber so gebn wir ich vorgenanter Andre von liechtenstain fu^er mich vnd alle mein erben dem obgenanten hern hansen vnd den Chorherren dacz hertzogenburch den brief ze eyner ewigen vrchund vnd vestigung der sach versigelt mit meim anhangunden Insigel vnd mit meines Svns perenharcz vou liechtenstain anhangunden Insigel vnd dez ist geczeug mein Pru\eder hans von liechtenstain mit seinem anhangunden Insigel ym an schaden. Der prief ist gebn nach Christi gepu^erd drewzehen hundert iar dar nach in dem Achczigisten iar dez Samstages vor sand Gorigen tag.

Source Fulltext: FAIGL, Herzogenburg (Wien 1886) S. 297-298