Ich Niklos der Chnapp von Razzingdorf vnd ich Anna sein Hawsfrawe vnd unser payder erben vergechen vnd tun chunt offenleich mit dem brief allen den die in sehent lesent oder horent lesen daz wir . . . verchauft haben daz lechen daz vnser vreys aygen gewesen ist gelegen da selbs zenachst prent Ullein ze ainem Tail vnd auch Jans vacans ze dem andern Tail in Weyderuelder pharr Jansen dem Payr vnd Elzbeten seiner Hawsfrawn vnd irr payder erben von Trawtmansdorf ze ainem vreyn Purchrecht zu Sechczig phennig gelcz dienstes vmb Sechsthalb phunt phennig wienner mu^enz der wir gancz vnd gar gericht vnd gewert sein vnd die selben Sechczig phennig dienst macht vnd geit der egenant Jans der Payr fu^er sich vnd alle seine nachchomen ledichleich auf vnser vrawn alter in daz Pircha^ech oder wer Pharrer do ist mit dem gegenwurtigen brief vnd ich egenanter Nycloz der Chnapp vnd an n a sein Hawsfraw sein der Egenanten Sechczig phennig dinst ir rechter scherm vnd gewer fur alle ansprach. . . . Vnd daz daz fu^erbaz alles sta^et vnd vnczerbrochen beleib gib ich egenanter Nycklos der Chnapp vnd mein Hawsfraw Anna vnd all vnser erben dem Egenanten Jansen vnd dem Gotzhaws vnser vrawen in dem Pirchach oder wer pharrer da ist geben wir den brief wann ich aygens Insygels nicht enhan so hab ich vnd mein Erben gepeten den erbern Jansen den Varbruck von Muchsnitz vnd den Erbern man dietreich den Truckenderffor von Weyderueld daz sy den brief zewgen mit irr payder anhangunden Insygeln in on schaden. Der brif ist geben do man zalt von Christi Gepurd drewczehen hundert Iar dar nach in dem drey vnd achczigstem Iar ze Mitteruasten.

Source Fulltext: FAIGL, Herzogenburg (Wien 1886) S. 305-306