Wir Albrecht von gotes gnaden Herczog ze O^esterreich ze Steyr ze Kernden vnd ze Krain Graf ze Tyrol etc. Bekennen offenlich mit dem brief daz vns vnser getrewer Hans von Renna mit seim offen brief aufgesendt hat alle die lehen die er von vns gehabt hat mit namen das haus ze Renna mit seiner zu^egeho^erung. Item daz haus dacz Zeckingen vnd Twaz dar zu^e geho^ert. Item die gu^eter die er emaln seiner wirtin hat gemachet. Item daz Chirchenlehen dacz hewen Item den weingelt in den Muelpach vnd pat vns das wir die selben lehen alle verleihen geruhten vnsern getrewen Hansen dem Schenkchen von Ried vnd seim aidem Hansen dem Neidegger Daz habn wir getan vnd habn die selben lehen alle die der obgenant Hans von Renna von vns hat zu lehen gehabt mit aller zu^egeho^erung nach seiner pete den obgenanten Schenkchen vnd dem Neidegger vnd iren Erben verlichen vnd leichen auch mit dem Brief wissentlich waz wir In zu recht daran leihen sullen oder mu^egen von vns vnd vnsern erben in lehens rechten inne ze haben vnd ze niezzen alz lehens vnd landes recht ist an gever. Mit vrchund dicz briefs. Geben ze Wienn an Mitichen nach sand Bartholomes tag. Nach Kristes gepurd dreuczehenhundert Iar vnd darnach in dem Newn vnd Achczigisten Iare.

Source Fulltext: FAIGL, Herzogenburg (Wien 1886) S. 326