Reuerendis in Christo Patribus. dominis et confratribus suis karissimis. Dominis Jacobo venerabili preposito. Eberhardo Decano Totique Capitulo Ecclesie hertzogenburgensis Ordinis Sancti Augustini Patauiensis Dyocesis. Cholmannus diuina permissione prepositus. Bartholomeus decanus. Totusque Conuentus Ecclesie Nu^enburgensis eiusdem Ordinis et dyocesis. Cum deuotis oracionibus sinceram et fraternam in domino Karitatem. Cum mentes et corda religiosorum Ecclesie federe singularis dileccionis adunate vigili cura semper ad hoc intendere debeant, vt qui nexu carnalis amoris hie fideliter coniunguntur, solutis eciam corporibus in spiritu feliciter congregentur. Ad quod vtique fiendum. nichil adeo credimus profuturum. quam ut fusis pro inuicem piis obsecracionibus. placabilem sibi reddant supernum Judicem, qui in ira misericordie recordatur. Si enim secundum statum exterioris hominis. qui sibimet quodammodo prestare potest amminiculum. In Karitate iubemur documentis apostolicis alterutrius onera supportare. Videtur opportunius et multo saluti congruencius ut Interior homo noster. qui disiunctus a corpore, nichil sibi prodesse poterit, bonorum operum exerciciis et Karitatis oracionum suffragiis adiuuetur. Nos igitur iuxta salubrem vestri desiderii conceptum ad vnionem nostre fraternitatis gratanter et gaudenti animo vos recipientes. Decreuimus vobis omnibus et singulis cunctisque vestris successoribus. tam in vita quam in morte. plenum dare participium omnium piarum accionum que per nos in ecclesia nostra. ex nunc et in antea operata (sic) fuerit nostri clemencia saluatoris. Adicientes nihilominus ut cum aliquis Canonicorum vestrorum. vocante domino decesserit. eiusdem nobis obitu nunciato, commendabimus ipsius animam. conswetis vigiliis et missarum sollempniis fidelium redemptori. In cuius rei euidens testimonium vobis has nostras literas damus nostrorum sigillorum munimine roboratas. Datum V^o. Kalendas Maii Anno domini Millesimo trecentesimo. Nomna. gesimo. primo.

Source Fulltext: FAIGL, Herzogenburg (Wien 1886) S. 338-339