ICH Hans der Newnhofer von Talarn, vnd ich Pernhart der Newnhofer sein brueder veriehen fu^er vns vnd fu^er all vnser erben vnd tun chvnd mit dem brief allen lewten gegenwu^ertigen vnd chvnftigen, daz wir mit wolbedachtem muet nach vnser frewnt rat, zu der zeit do wir ez wol getu^en mochten, recht vnd redleich verchawft haben, vnsern weinczehent gelegen ze Pawngarten in Rewdnikcher Pfarr, in den obern praitten, der halb daselbs gelegen, vnser freyzz aygen gewesen ist, den selben halben czehent daselbs haben wir mit allen nuczzen vnd ern, ze chawffen geben dem wirdigen herrn hern Merten Brobst sand Georgen Gotzhaws ze herczogenburch vnd dem ganczen Conuent daselbs vmb czweliff phunt phenning, der wir gancz vnd gar gewert sein ze rechten ta^egen an allen schaden. Vnd schullen sew hinfu^er mit dem selben czehent allen iren frvm schaffen, niezzen vnd nuczzen, verzeczen, verchawffen, wie in daz allerpest fuegt an alle irrung. Vnd des sein wir vnd all vnser erben ir rechter Scherm vnd gwer fu^er all ansprach. . . . Vnd des ze vrchund gib ich vorgenanter Hans der Newnhofer vnd ich vorgenanter Pernhart der Newnhofer sein brueder . . . dem vorgenanten wirdigen herrn hern Merten Brobst ze Herczogenburch vnd auch dem ganczen Conuent daselbs den brief versigelten mit vnser paider . . . Insigel. vnd des ist geczewg der erber chnecht Peter vom Siczenperg mit seinem . . . Insigel . . . Der brief ist geben nach Christi gepurd drewczehen hundert iar dar nach in dem vier vnd Newnczgisten iar des Samztags vor dem Pallm tag in der vasten.

Source Fulltext: FAIGL, Herzogenburg (Wien 1886) S. 343-344