Bonifacius episcopus seruus seruorum dei. Uniuersis Christi fidelibus presentes litteras inspecturis. Salutem et apostolicam benedictionem. Licet is de cuius munere uenit ut sibi a suis fidelibus digne et laudabiliter seruiatur de sue pietatis habundantia et merita supplicum excedit et uota bene seruientibus sibi multo maiora retribuat quam ualeant promereri nichilominus tamen desiderantes domino reddere populum acceptabilem et bonorum operum sectatorem fideles ipsos ad complacendum ei quasi quibusdam allectiuis muneribus indulgentiis uidelicet remissionibus inuitamus ut exinde reddantur diuine gratie aptiores. Cupientes igitur ut etiam ecclesia Monasterii in Hertzogenburga ordinis sancti Augustini Patauiensis diocesis congruis honoribus frequentetur et etiam conseruetur et ut Christi fideles eo libentius causa deuotionis confluant ad eandem et ad conseruationem huiusmodi manus promptius porrigant adiutrices quo ex hoc ibidem dono celestis gratie uberius conspexerint se refectos de omnipotentis dei misericordia et beatorum Petri et Pauli Apostolorum eius auctoritate confisi omnibus uere penitentibus et confessis qui in Natiuitatis Circoncisionis Ephifanie Resurrectionis Ascensionis et Corporis Domini nostri Ihesu Christi Pentecostes nec non in Natiuitatis Annuntiationis et purificationis ac Assumptionis beate Marie virginis et Natiuitatis beati Johannis Baptiste ad dictorum Petri et Pauli et eiusdem ecclesie dedicationis festiuitatibus ac celebritate Omnium sanctorum nec non per ipsarum Natiuitatis Ephifanie Resurrectionis Ascencionis et Corporis Domini ac Natiuitatis Assumptionis beate Marie et Natiuitatis beati lohannis nec non Apostolorum Petri et Pauli predictorum festiuitatum Octauas per sex dies dictum festum Pentecostes immediate sequentes eandem ecclesiam deuote uisitauerint annuatim et ad huiusmodi conseruationem manus porrexerint adiutrices singulis uidelicet festiuitatum et celebritatis Quinque Annos et Quadraginta dies Octauarum uero et Sex dierum predictorum diebus quibus ecclesiam predictam uisitauerint et manus adiutrices porrexerint ut prefertur Centum dies de iniunctis eis penitentiis misericorditer relaxamus. Datum Rome apud Sanctum petrum IIII Nonas Junii Pontificatus nostri Anno decimo. Gratis de mandato domini nostri pape.

Source Fulltext: FAIGL, Herzogenburg (Wien 1886) S. 350-351