ICH Peter der Hirsel von wenigen Rust vnd all mein erben veriehen vnd thun kunt offenlich mit dem brieff allen lauten gegenbu^ertigen vnd ku^enfftigen daz wir mit wolbedachtem mu^et vnd vnser pesten frewnden rat zu der zeit do wir es mit recht wol getun mochten recht vnd redlich verchaufft haben vnsern zehent gelegen in hertzogenburger veld auff vier vnd zwaintzig Jeuch akkern den halfften tail des zehent der ligent sibentzehen Jeuch zu Eben vnd zwai in dem Rumertall vnd fu^enffe an Etretinger leitten den wir ze lehen gehabt haben von vnserm gnedigen herren dem hochwirdigen fu^ersten Pischolff lo^ergen von Passaw den vorgenant halfften tail zehents auff den egenant a^ekkern haben wir recht vnd redlich verchaufft vnd ze kauffen geben mit allen den ern vnd nu^eczen als wir den inn gehabt haben vnd als er von alter herkommen ist vmb zwaintzig phvnt wyenner phennig dem erwirdigen Geistlichen herren Brost Merten dem Schenken sant Goergen gotshaus ze hertzogenburg vnd dem gantzen Conuent daselbs gemain vnd allen iren nachkomen der wir gantz vnd gar von in verricht vnd gewert sein ze rechten tegen, den vorgenant halfften tail zehents fürbaz ledichlich vnd freilich ze haben vnd allen iren frvmen damit ze schaffen verchauffen versetzen schaffen vnd geben wem sy wellen an alle irrung vnd sein auch wir ich obgenanter Peter der Hirsel vnd all mein erben ir rechter gewer vnd scherm fu^er alle ansprach als lehens recht ist vnd des lands recht in O^esterreich. Gieng in aber daran iht ab mit recht oder ob in mit recht iht krieg oder ansprach daran aufferstu^end von wem das wer daz sullen wir in alles ausrichten ablegen vnd gentzlich widerchern vnd sullen das haben auff vns vnverschaidenlich vnd auff allem dem gu^et daz wir haben oder lassen innerlands oder ausserlands wir sein lembtig oder tod. Vnd das der kauff fu^erbaz also stet vnd vnzerprochen beleib darv^eber zu ainem waren vrku^end der sach geben wir ich vorgenanter Peter Hirsel fu^er mich vnd all mein erben in den brieff versigelt mit meinem anhangundem Insigel vnd mit meins aydem Wolfgangs von Graben von Chueffaren vnd meins aydem vlreichs des Stiller von Noppendorf iren paiden anhangundem Insigel. Geben nach Christus gepu^erd in dem virtzehenhundertistem Iare des nachsten mittichens nach dem heiligen Ostertage.

Source Fulltext: FAIGL, Herzogenburg (Wien 1886) S. 351-352