ICH Alolt Parsenprwnner vergich fu^er mich mein Hawsfrawn vnd alle mein erben vnd tu^en kund offenleich mit dem brief allen lewten gegenburttigen vnd ku^enftigen Das ich mit wolbedachtem mut zw dertzeit da ich es woll getun mocht Recht vnd Redleich verkchaufft hab das gut genant der See, gelegen pey dem Champ gegen des zagels mul vber gelegen mit aller zwgehorung vnd mit sampt den zwelif schilling gelts So man von alter dauon gedint hat vnd allen andern Eren vnd Rechten, als es dann damit von allter herkomen ist den Erwirdigen herrn hern hannsen dem Parssenprwnner dietzeit Brobst zw hertzogenburgkch vnd dem Connuent daselben vmb funff vnd Sibentzig pfunt wienner pfennig der ich gantz vnd gar ausgericht vnd gewert pin an schaden darumb sullen vnd mugen sy das vorgenant gut mit seiner zu^egehorung von vns nwn hinfürbas ledikchleich vnd freileich Innegehaben nutzen vnd nyzzen vnd allen irn frumben vnd nutz damit geschaffen mit versetzen verkauffen schaffen geben vnd machen wem Sy wellent wie in das aller pest kumbt vnd woll fu^egt an menikchleichs irrung vnd widerred vnd pin auch ich vorgenanter Alolt Parssenprwnner vnd alle mein erben des egenanten gut mit seiner zwgehorung ir Recht gewer fu^erstand vnd Schermb fu^er alle ansprach als purkchrechts scherms Recht ist in Osterreich ging in aber daran icht ab oder stu^end in icht krieg oder ansprach daran auf mit dem Rechten von wem das wer was Sy des Schaden nement denselben Schaden krieg vnd ansprach sullen vnd wellen wir in allen ausrichten vnd gantzleich widerkchern an alle widerred vnd sullen sy das haben auf vns vnd vnverschaidenleich auf allem dem gut das wir Inndert haben oder gewinnen inner vnd ausser lanndes es sey eribgut oder varundgut versucht vnd vnversucht wo Sy darauf weisent oder zaigent da mogen Sy sich sein so vil vnderwinden an fu^erbot an klag vnd an alles berechten vnd doch mit gerichts poten So lanng vnd als verr vntzn in von vns alles das ausgerichtt vnd gehallden wirdet das hievor auf dem brief geschriben stet wir sein lemptig oder tod vnd des zw vrkund gib ich in den brief besiglten mit mein obgenanten Alollten des Parssenprwnner aigen anhanngundem Insigel vnd mit der erbern meiner lieben frewndt Gorigen des Parssenprwnner Hannsen des Gerestorffer Eppen des Veyrtager anhangunden Insigeln die ich darvmb vleizzleich gepeten hab das Sy der sach geczeug sind in vnd irn erben an Schaden. Der brief ist geben nach Krissti gepu^erd virtzechenhundert Iar darnach in dem Sechczechenten Iar am nachsten Monntag vor sand Symons vnd Sannd Judas tag.

Source Fulltext: FAIGL, Herzogenburg (Wien 1886) S. 375-376