ICH Andre von Oetzesdorff vnd ich Dorothea sein hausfraw, wir veriehen fu^er vns vnd all vnser eriben vnd miteriben vnd tun kund offenleich mit dem briff allen la^ewten gegenburtigen vnd ku^enftigen, daz wir mit aller vnser eriben gu^etleichem willen vnd zw der tzeit wo wir es wol getun mochten Recht vnd redleich verchaufft haben vnser holcz daz genant ist der hohenperig vnd Stozzt an des probst holcz von Sand Andre ainhalb vnd anderhalb an das krieg holcz, da von man ierleich dint an Sand Michelstag vierczig phennig wienner muniz den geistleichen Herren den chorhernn datz hertzogenburg auf ir oblay vnd nicht mer, vnd haben ez ze chauffen geben dem Erbern. Veiten dem ffra^ell ffrawn Elen seiner hausfrawn vnd iren paider eriben vmb ain Solich Summ geltz daran vns wol genu^egt hat vnd der wir auch betzalt sein ze rechten tagen an all vnser mu^e vnd schaden, Also daz sy nu^e fu^erbaz daz Eegenante holcz alls ich ez in nutz vnd gewer Inn gehabt han vnd mein vorvoder Marichart Prentl mit alle die vnd davon bekomen mag ledichleich vnd vreileich mugen haben vnd allen iren frum damit schaffen mit versetzen verchauffenn Schaffen machen vnd geben wem Sy wellen an all irrung Wir sein auch darvmb ir recht gewer scherm vnd fürstand für all ansprach alls purkhrechts recht ist in dem lannd ze O^esterreich Gierig In awer daran icht ab mit recht oder ob in mit Recht icht krieg Invell vnd ansprach daran auf erstund von wem das wer was sy des schaden nement hintz Juden oder hintz Kristen oder wie der schad benant wurd den ir ains mit slechten worten gesprechen mag den selben schaden allen schullen vnd wellen wir in gancz vnd gar ablegen ausrichten vnd widerchern an all ir mu^e vnd schaden. . . . Vnd des ze vrchund geben wir Ich obgenanter Andre vnd ich Dorothea sein hausfraw fu^er vns vnd all vnser eriben vnd miteriben den vorbenantem Veiten dem ffraell vnd frawn Elen seiner hausfrawn vnd iren paider eriben den briff besigelten mit gruntherren Insigel des Erbirdigen geistleichen herren herren Johannsen Brobstz zw herczogenburg anhangundem Insigel dar vnder wir vns verpinden alls das stet ze halden, daz oben an dem briff geschriben stet, der sach ist getzeug durich vnser gepet willen der beschaiden Andre der chunter die tzeit Judenrichter ze hertzogenburgkh mit seinem anhangundem Insigel Im vnd seinen eriben an schaden. Geben nach Cristi gepurd viertzehenhundert jar darnach in dem Subentzehenden Iar an freytag ze der chotember In der fasten.

Source Fulltext: FAIGL, Herzogenburg (Wien 1886) S. 381-382