ICH Marichart der fleischakher gesessen ze Reichersdorff vnd Ich Wendel sein hausfraw wir veriehen fu^er vns vnd fu^er all vnser eriben vnd tu^en kunt offenleich mit dem briff allen lewten gegenbu^ertigen vnd chunftigen, daz wir . . . Recht vnd redleich verchaufft haben vnsern weingarten gelegen ze Reichersdorff In dem lindgraben ze nachst Niclasen des Turner von Sand Andre weingarten, da von man Jerleich dint ze purkrecht an Sand Michels tag zwen phennig geltz dem Erbern Micheln dem fla^eming, die czeit gesessen ze Go^etzesdorff vnd nicht mer Vnd haben in zechauffen gegeben den Erbirdigen geistleichen herren herren lohannsen Brobst zw Sand Gorigen goczhaus datz herczogenburg vnd dem Conuent daselbs auf ir oblay vmb sieben vnd dreyzig phunt wienner phennig der wir gancz vnd gar verricht u. s. w. Vnd des ze vrkund geben wir Ich obgenanter Marichart der fleischakher vnd Ich Wendel sein hausfraw fu^er vns vnd all vnser Erben vnd mit erben den obgenanten Erbirdigen geistleichen herren dem Brobst zw Sannd Gorigen gotzhaws zw herczogenburgkh vnd den gantzen Conuent daselbs den briff besigelten vnd besta^ett mit gruntherren Insigl des Erbern Michels des fla^eming anhangundem Insigl Vnd zw pesserer sieherhait haben wir auch vleizzich gepeten die Erbern Gorigen den parsenprunner vnd veiten den ffra^ell daz sy der sach geczeugen sint mit iren anhangunden Insigeln In vnd iren eriben an Schaden. Geben nach cristi gepurd vierczehenhundert Iar darnach In dem Swbentzehenden Iar an Sannd Erharts tag.

Source Fulltext: FAIGL, Herzogenburg (Wien 1886) S. 379