ICH Niklas der Seebegkch vergich fu^er mich vnd mein erben vnd tu^en chund allen den die den Brieff lesent oder horent lesen die nu^e lebent vnd hernach chu^enftig sind das ich mit gu^etem willen vnd mit wolbedachtem mu^et zv der zeit do ich es wol getu^en macht vnd mit handen des Erbern weisen Ruedolffs des Angerfelder zv den zeiten Burgermaister vnd Muntzmaister vnd des Rats gemain der Stat ze Wienn Recht vnd Redleich verchaufft vnd geben hab mein haus gelegen in sant Iohannstrass ze wienn zenegst dem fleischhoff vnd das gezimer daselbs mit allen den gma^echen vnd Rechten die darzu^e geho^erent ze negst dem haus das weillent Leupoltz des pelndorffer gebesen ist vnd mit allen den nu^eczen vnd rechten als das genant haus vnd das gezimer vnversprochenleich von alter in purgkrechts gewer hercho^emen ist vnd in dem Rechte als hernach geschriben stet vmb dreuhundert phunt wienner phennig der ich gantz vnd gar verricht vnd gewert pin dem Erbirdigen herrn herrn Johannsen Brobst ze herczogenburg dem Conuent gemain daselbs vnd iren nachkomen also das sy das vorgenant haus vnd gezimer sollen fu^erbas ledigklichen vnd vreylichen innhaben vnd allen iren frumen damit schaffen verchauffen verseczen vnd geben wem sy wellent an allen irsal mit der beschaidenhait was der vorgenant Erbirdig herr der Brobst ze herczogenburg der Conuent daselbs vnd ire nachkomen in die gemech des egenanten zimers von weilent des Eegenanten Leupoltz des pellendorffer hoff liecht haben wellen die sollen sy haben mit ligunden venstern vnd sol man die selben liecht von dem Egenanten hoff mit nichtz weren noch verpawen vnd sollen auch sy vnd ir nachko^emen an das Egenant zimer vnd alle gemach vnden vnd oben nichtz mer zimern noch pawen an alles geverd vnd auch also das sy vnd auch alle die die das vorgenant haus vnd das zimer vnd das alles das darczu^e geho^ert innhabent vnd pesiczent mit der Eegenanten Stat ze wienn darvon leiden sollen als ander mitburger daselbs vnd zu^e ainer pessern sieherhait so setz Ich mich vorgenanter Niclas der Seebegkch mit sampt meinen Erben vnverschaidenleich v^eber das egenant haus vnd das gezimer vnd v^eber alle de vnd darczu^e geho^ert dem genanten Erbirdigen herrn herrn Johannsen dem Brobst dem Conuent vnd ieren nachko^emen als vorgeschriben stet ze Rechtem gbern vnd scherm fu^er alle ansprach. . . . Vnd das der kauff fu^erbas also sta^et vnd vnczebrochen peleib darvber so gib ich in den brieff ze ainem waren vrkund vnd Ebiger vestenung der sach versigelten mit mein obgenanten Niklas des Seebegkchen Insigel vnd mit der stat grunt insigel ze wienn das der Rat der stat daselbs zu^e merer peste^atigung der vorgeschriben sach durich meiner vleizziger pet willen an den brieff gehangen hat. Der geben ist ze wienn nach Cristi gepu^erd vierczehenhundert Iar vnd darnach in dem sibenczehenten jar des nagsten Samtztags nach sand scholastica tag der heiligen jungkhfrawn.

Source Fulltext: FAIGL, Herzogenburg (Wien 1886) S. 380-381