Wir Bruder Chonnrat Wurm Prior prediger orden ze Krembs vnd der Couent daselbs Veriehen für vns vnd all vnser nachkomen Vnd tun kund Offennleich mit dem brief allen den er fu^erkumbt ze lesen vnd ze horen Das wir mit gemainen verainten Ratt zw der zeit do wir das mit Recht vnd mit lechen hern handen des Erwirdigen Geistleichen herrn herrn Johannsen Brobst zw Herczogenburg woll getun machten Vnsern ledingen vnd vnuerchumerten Hoff ze Straiczestorff verchawfft haben vnd der da gelegen ist zwischen Thamans des Renstleins haws ains tails vnd Petern des Geriber des andern dauon man Jerleich dem vorgenanten Brobst vnd all sein nachkomen in das Ampt gen Straczestorff an sant Michels tag dienen vnd raichen soll zw rechtem grunt dinst dritthalben vnd funffczigk wienner phennig Vnd fu^er den chlain dinst Syben vnd zwainczigk phennig Vnd von ainem Holcz in der Aw gelegen dreyssigk phennig Vnd von ainem Pawmgarten dreyssigk phennig das alles zw dem vorgenanten Hoff gehort Vnd dauon man auch Jerleich das gewo^enndleich Marichfueter Vaschang Hu^enner vnd tayding phennig ausrichten soll vnd nicht mer Hannsen dem Awer vnd Anna seiner hawsfrawn vnd irn paiden eriben Vmb ain Sumb gelts der wir von Inen gancz vnd gar ausgericht peczalt vnd gewert sein worden zw rechten ta^egen an allen vnsern schaden vnd mugen auch hinfu^er mit dem Egenanten Hoff vnd mit seiner zwegehorung allen iren frumb damit Schaffen mit verseczen verkawffen schaffen machen vnd geben wem sew wellent an vnser vnd all vnser nachkomen vnd menigkleichs von vnsern wegen Irrung vnd Hindernuss. Vnd sein auch des vorgenanten Hofs mit seiner zwegehorung Ir recht gewer schermb vnd fu^erstandt fu^er all rechtleich ansprach als solleichs kawfs vnd lanndes recht ist in O^esterreich. . . . Vnd des zw einer warn Vrkund So geben wir In disen offenn brief wesigelten mit mein obgenantes Bruder Chonnrats Wurm Prior des Egenanten Gotzhawss ze Krembs vnd des Conuentz daselbs payder Anhangunden Insigiln Der brief ist geben worden do man zalt von Kristi gepurd virczehenhundert Iar vnd dar nach indem Newn vnd dreyssigkisten Iar des Mittichen vor sand Pauls tag zw der pekerung des heyling zwelifpotten.

Source Fulltext: FAIGL, Herzogenburg (Wien 1886) S. 437-438