ICH Hanns Winkchler burger zu Klosternewnburg vergich fu^er mich vnd all mein erben vnd tun kund offennlich allen leuten gegenburtigen vnd kunftigen mit dem brief das ich mit gutem willen vnd wolbedachtem mu^et zu der zeit do ich es wol getun mochtt vnd mit hannden des erbern Micheln des Riennolts burger daselbs zu Klosternewnburgk vnd die czeit des Aller durichleuchtigisten Hochgebornysten Kunig Albrechts Romischer Kunig zu allen czeiten merer des Reichs zu Vngern Behem Dalmacien Croacien Kunig Herczog zu O^esterreich vnd Margkraffe zu Merhern etc. vnsers allergenedigisten liebsten herrn Slu^essler vnd Ambtman daselbs verkaufft hab ain haws gelegen In der Chirichlinggassen Ainthalben zunachst Thoman Gerung des Pekchen haws vnd Anderhalben zunachst dem Purigtar, da man alle Iar von dient dem vorgenanten vnserm genedigistem herrn ze Gruntdienst Acht wienner phennig an sand Michels tag vnd Syben an sand lo^ergen tag vnd auch acht phennig zu Gruntrecht an sand Michelstag In des penantten Thoman Gerung des Pekchen haws Als das mit alltter herkomen ist vnd nicht mer. Das vorgenant haws mit aller zugeho^erung Als das von allter vnuersprochenleich herkomen vnd mir geschafft ist warden von meiner lieben hausfrawn Elspeten Seyfriden des Pekchen seligen tochter den baiden got genad Nach ausweisung des selben Gescheffts das da zu gedechtnuss Im Statpu^ech daselbs zu Klosternewnburgk Ingeschriben stet Hab ich Recht vnd Redleich verkaufft vnd geben vmb hundert phunt wienner phennig der ich gancz verrichtt vnd gewertt pin ze Rechtn tagen dem Erwirdigen geistlichen herrn hern Hannsen Brobst zu Herczogenburgk vnd dem Conuent gemain daselbs fu^erbaser ledicklichen vnd freylichen zu haben vnd alln Irn frumen damit ze schaffen verkauffen verseczen machen Schaffen vnd geben wem Sy wellen vor aller Irrung So es demselben goczhaws am aller pesten fu^egund ist Ich pin auch des Kauffs In den Rechten vorgeschriben Ir Recht gewern vnd scherm fu^er alle ansprach als Gruntrechts vnd des lanndes zu O^esterreich Recht ist. . . . Vnd des zu ainer waren steten vrkund der sach Gib ich In daruber den brief Besigilten mit des vorgenantten Ambtmans Micheln des Riennolts Anhangundem Insigel Der sach ist geczeug durich meiner vleissigen pet willen Der erber Blasy von Stainhaws burger daselbs zu Newnburg mit seinem Angehangen Insigil Im vnd sein erben an schaden. Geben nach christi gepurd virczehenhundert vnd in dem Newn vnd dreissigisten Iare an freytag nach sand Cholmans tage.

Source Fulltext: FAIGL, Herzogenburg (Wien 1886) S. 445-446