ICH Anna Micheln des Meunseer burger zu Klosternewnburg Hausfraw Vergich fu^er mich vnd all mein erben vnd tu^en kund Offennleich allen leuten mit dem brief, Das ich mit gu^etem willen mit wolbedachtem mu^et zu derczeit do ich es wol getun mochtt, vnd mit perigmaisters hannden des erbern Hannsen des Mewrl dieczeit perigmaister daselbs zu Newnburgk Auf des edln herrn vlreichn von Eyczing gu^et verkaufft hab Ain drittail aus ainem Jeuch Gelegen am Kalmperig In der Ris genant das Hartmu^etl zunachst mit ainem Rain des Bischoffs weingarten von passaw genant der loben, stainer, Dauon man Jerleichen dint dem obgenanten herrn vlreichen dem Eyczinger vnd sein erben Ainen eimer weins ze perkrecht vnd zwenn wienner phennig ze voitrecht, Als das mit alltter herkomen ist vnd nicht mer Denselben weingarten der mein ve\atterleichs vnd mu^etterleichs anerstorbens eribgut ist gewesen hab ich mit allen den Nu^eczen vnd Rechten Als ich den vnuersprochenlich In perkrechts gewer Inne gehabt vnd herbracht hab vnd als er von alltter herkomen ist Mit ganczer fürczichtt verkaufft vnd geben vmb hunndertt vnd virczigk phunt wienner phenig der ich gancz vnd gar gewertt pin ze Rechten tagen dem Erwirdigen geistleichen herrn herrn Hannsen Brobst Sannd Ioeprigen Gotzhaws zu herczogbuergk vnd dem Conuendt gemainklich daselbs fürbaser Sy vnd all Ir nachko^emen allen Irn frumen damit zeschaffen verkauffen verseczen vnd geben wem Sy wellent vor aller Irrung So es In vnd demselben Irm Gotzhaws am aller pesten fu^egund ist vngeuerleich. . . . Mit vrkunt geben wir In den brief besigelt mit meins egenanten Kanwirts Micheln des Meunseer Anhangundem Insigil Darunder ich vorgenante Anna bekenn stet czuhaben So uor geschriben ste^at vnd mit des egenanten perigmaisters Hannsen des Mewrl Anhangundem Insigil Im vnd sein erben an schaden. Geben an phincztag nach prediger Chiribey Nach Kristi gepurd virczehenhunndert vnd In dem virczigistem Iare.

Source Fulltext: FAIGL, Herzogenburg (Wien 1886) S. 448-449