ICH Andre Prannt Bekenn fu^er mich vnd all mein erben mit dem gegenbu^ertigen brief das Ich Recht vnd redleichen verkawfft vnd ze kawffen geben hab dem Erwirdigen Geistleichen herrn hern Johannsen Brobst ze Herczogenburgk vnd dem ganczen Conuent daselbs vnd irn nachkomen Ain Secz gelegen an des Peter Gessler Hawss zw Kunigstetten dye Perkrechtlechen ist von dem egenanten Brobst vnd dem Conuent daselbst dauon man Jerleich dient in dem lesen ain emer most Vmb ain Sumb gelts daran mich wol benuegt hatt vnd pin auch der gancz entricht vnd beczalt an allen schaden Sew schulln vnd mugen auch vnd all ir nachkomen Brobst vnd Conuent daselbs mit der egemelten Secz vnd irr zwegehorung allen irn frumb damit schaffen damit hanndln vnd tun als mit anderm irn gu^ett wye in das am pesten fuegund ist Ich bin auch vnd all mein erben des kawffs vnd der Secz vnd irer zwegehorung des egenanten meins herrn vnd Conuent dasselbs vnd irrer nachkomen Ir Rechter gewer vnd schermb vnd fu^erstandt fu^er all Rechtleich ansprach alls solleichs kawfs vnd Purkrechts lechen recht in dem Lannd ze O^esterreich. . . . Des zw vrkund gib Ich obgenanter Anndre Prannt fu^er mich vnd all mein erben dem egenanten meinem herrn vnd dem Conuent vnd irn nachkomen den brief Besigilt durich meiner vleissigen gebett willen mit des Erbern Hannsens des Melkhaymer dye zeit Richter zw Herczogenburgk Anhanngunden Insigil vnder des Insigil ich mich egenanter Andre fu^er mich vnd all mein eriben verpinden mit vnsern trewn alles das stett zw haben das an dem brief geschriben ist Des ist geczewg durich meiner vleissigen gebett willn der Erber Liennhart Schilher burger vnd ainer des Rats daselbs zw Herczogenburgk mit seinem Anhangunden Insigil in paiden vnd irn erbm an schaden. Geben nach Kristi gepurd virczehenhundert Iar vnd darnach in dem drey vnd virczigisten Iare des Suntags vor sand Giling tag.

Source Fulltext: FAIGL, Herzogenburg (Wien 1886) S. 462