Ich Hadmar von Svnneberch Tuen chunt - Daz ich - vnser frown gotshaus ze Nevnburch gegeben han auf achern, di gelegen sint pei heroltstorf vnd di ich gechovffet han datz Vlreichen dem Spenlein von fratigeinstorf fvnfzehen phenning gulte wienner mvnzze, die man dem selben gotshous als von seinem rechten aigen alle iar da von dienen sol an sand Michelstag, vnd da wider hat mir vnd meinen erben der ersam herre, her perhtolt ze den zeiten Brobst des vorgenanten Goteshous ze Nevnburch gegeben die aigenschaften ouf dem hovs ze wentzestorf, da von man mir alle iar ebichleich dienen sol vnd ouch meinen erben zwelif phenning wiener mvnzze, vnd ist ouch daz geschehen mit gemainer gvnst des Conventes des vorgenanten Gotshovses. - dar vber - geb ich der Samnvng disen brief mit meinem insigel ver sigelt. Diser brief ist gegeben ze wienne - drevtzehen hvndert iar, dar nach in dem achten iar des nahsten Svntages nach sand Georgen tag.

Source Fulltext: ZEIBIG, Klosterneuburg (=FRA II/10, Wien 1857) S. 112