Ich Niclos der Weirwerger mit sampt meiner hovsvrowen wrowen Agnesen wir veriechen - Daz wir Meinen herren Brobst perichtolden vnd seinen Goteshous ze Nevnburch ze phant haben gesazet vnser zwen weingarten, der ainer gelegen ist ze neunburch an dem Chalnperig, des ein halbes ieuch ist, vnd haiset der Vischel, Der ander ze Oatachring an der rO^eten erd, des zwai drittail sind eines ieuches, ze phant fur allen den schaden, den er vnd sein Goteshovs, daz vorgenant, enphachen maecht vmbe die saczvm, di wir getan haben mit seiner hand, vnd mit seinen prief, den er durch vnser pet willen gegeben hat ze vrchund vnd ze gezeug Marusch dem iuden vnd seinen erben vber den weingarten, der da haiset der Colein gelegen an dem Nussperig, vnd sind zwai ieuch, den wir seid verchovft haben dem erbern herrn herrn Dietreich von Pilechdorf zv der zeit Hovptman in Osterreich - - - Daruber so gib ich Niclader vorgenant meinen Herren Brobst perichtolden, vnd seinen goteshous ze Neunburch Disen prief versigelt mit meinem insigel. Diser sache sind gezeug Her Thomas der Chelner, Her Wisent von Stoyzendorf, Chorherrn ze Neunburch, Durinch von mevrling. Johans von Nusdorf, vnd ander pidib (sic) leut. Diser prief ist gegeben ze Wienne - - dreuzehenhunde iar, darnach in dem fumfzehenten iar an sant Symonistag.

Source Fulltext: ZEIBIG, Klosterneuburg (=FRA II/10, Wien 1857) S. 151-152