Ich Weichart von Pavngarten, vnd ich Vro Preid sein hausfraw. Wier veriechen - - - daz wier mit guten willen vnd gun vnser sune, Hainreiches vnd Fridreiches - - - vnsers rechteaigens Vierzig Jeuch Verbar acchers vnd drei Wis Vrbar ze Prunsendorf, - - di Hainrich der Fuez von vnse ze Lehen hat gehabt, mit desselben Hainriches gueten willen, vnd nach seiner pet gegeben haben dem erberen Goteshaus vnser frawen ze Neunburch, vnd sein auch damit ledich dreizzig Phenninge geltes, der Wier dem egenanten Goteshaus ze Neunburch vor schuldigh sein gewesen an einen chauff, dieselben dreizig phenninge schol hainreich der fuez dem vorgenanten Goteshovs ze Neunburch von dem egenanten Vierzig Jeuch Vrbar ekher vnd von drin Wisen Vrbar alle iar an sant Michels tag ze rechten Vrbar dienen - - Vnd b auch - - disen prief - versigelt mit meinem Ynsigel vnd mit meines brueder Ynsigel Chadoldes. - - Diser sache sint auch gezeug: Vlreich der Hauser, Jans der Sachs, Seifrid der Scharf, friderich von Chrut, Vlreich vnd Stephan Oesterman, friderich der Hu^etstoche, Engeldiech der Maurbech, vnd ander frum Leut genuech, den diser sache wol chunt ist. Diser prief ist gegeben ze Paungarten - - drewzehenhundert iar, darnach in dem sibenzehentisten an Percht tag.

Source Fulltext: ZEIBIG, Klosterneuburg (=FRA II/10, Wien 1857) S. 154-155